الحلقه الاولى من يوميات شابين كول

"السلام عليكم ورحمة الله وبركاته"
موضع منقول ولكنه اعجبني فحبيت اني انقله لكم

كالعاده فى كل عام تأتى الاجازه يلهو الاطفال فيها والكبار ويمرحون ويستريحون من عناء الدراسه وتعبها "ال يعنى كانوا بيذاكروا العيال" ويرفهوا عن نفسوياتهم "بعد مكانت كل ايامهم فسح وخروجات" ويشموا هواء نقى بعيد عن جو الدراسه والكتب والدروس والمحاضرات
هاهو اليوم اول ايام الدراسه وقد استعد كل شاب مجتهد وهب حياته للعلم والتعلم وقد استعدت كل فتاه تعشق العلم وتكرس كل حياتها من اجل معلومه "هع هع هع"
قد حضر الشاب موبايله بعدما كساه بcover جديد وقد اشترى علبة السجاير الفخمه وعلبة الجل الضخمه التى تكفى البيت كله لو مليانه فول وقد احضر بنطلونه المرشوش بكيماوى الارض ذو اللون الابيض والقميص اللى بييجى على الحزام عشان طبعا التوكه بتاعت الحزام تبااااان ده من ابو جلد طبيعى ياعم الى جانب حظاظته وسلسلته وهاهى قد احضرت البنطلون الربع كوم اللى بيه تقدر تعد عدد مفاصل الرجل والبدى الشفاف والضيق وده بيساعدنا فى ابحاث معرفة كام فقره فى الضهر يعنى استك منه فيه وقد احضرت ميك ابها وميك امها وميك العيله كلها لكى ترسم على خديها تفاحتين من الالوان الميه ولكى تضع على شفاهها قليل من المحاليل لترى فى صورة جذابه مهذبه طبعا وهاهى شنطتها التى اشترتها مع والدتها والتى بها يتحمل متاعها من المياة الغازيه والمناديل الشقيه واللبان الشكلتس ذو الروائح الفواكهيه, وطبعا كانت ضربت شعرها فى الخلاط عن الست فتاكات صاحبة اروع تسريحة شعر واللى مسمياها " نام واصحى وشعرك زى ماهو" وقد لبس كلا منهم متفجراته وجهز اسلحته الفتاكه لكى يذهب ليتعلم العلم النافع وبالفعل نزل كلا منهم وهو يفكر كيف اظبط اكبر كم من الفتيات اليوم وكيف اكون سهلا لذيذا خفيف الدم لالالا خفيف ايه ساحاول قدر المستطاع انى ميكونش عندى دم النهارده وهى تفكر هل سالقى لى زميل مهذب كاخى يخاف عليا من العيون الشرسه ويحمينى من الذئاب البشريه اللى فى الجامعه ويحتوينى كأننى اخته او واحده من بقيت اهله ...هيهيهههههههيييييييييييء " دى ضحكتى انا على فكره" زى اخته اااال...
والان قد نزل كل من سيارته وهذا الحشد الكبير امام باب الجامعه وهاهى الروائح المتعدده اللى تجيب للواحد حساسيه حاده وكأنك خارج من مستودع برفانات وايضا ماهذا الازدحام الفظيع تتسائل مع نفسك هل الحكومه نزلت الفينو المثلثات عشان كل الزحمه دى...
ودخلت كل هذه البشريه مدرج المحاضرات وكأنه النهائى بين فريقين مشهورين " خشب الحاج سعد&ودهانات الحاج حلمى"
ويالسوء الحظ الجو مكتوم ولا نفس الان وانقلبت الروائح الذكيه التى كانت منذ قليل الى روائح غبيه لا تعرف مصادرها ووداعا مستودع البرفانات ومرحبا بمستودع الانابيب هيك "محدش يولع كبريت ياجماعه" صرخ كل طالب وطالبه افتحوا التكييفات هنموت ولكنه يريد ان يخفى جريمته البشعه والا يشعر احد بتلك الفاجعه او يحس احد بهذه المجرمه ومما اقترفته من فعل ماعلييييينااااااا
وقد قال احد الامن التكييفات فى الصيانه "الله الله" يعنى الاجازه كبيره وعريضه ومفتكرتوش الصيانه الا لما ندخل الدراسه وقد صدر صوت من احد الطلاب الجدد ويبدو عليه اللهجه الصعيديه" شغلوا المكيف الله يخرب بيوتكم" هو انا اسيب حر الصعيد واجى اهنيه لنار اجهنم!!
ده انا داخل الدامعه دى مخصوص عشان الزفت اللى بتجوله عليه ده وعشان السابوره اللى بالكامبيوتر دى رد عليه احد الاصدقاء الجدد وقال له بس يااخينا لتنطرد من اول يوم رد وقاله ليه ان شاء الله جاعد فى بيت ابوهم انا انا تنسيجى اللى جابنى اهنيه واى دزمه هيفتح بجه هبلغ الباشا ظابط التنسيج ,قاله طب اهدى شويه بس اسمك ايه قاله محسوبك هريدى وانت يازمل قاله وانا اخوك كابو قاله ياعم كابو ولا ماكابوش خليهم يفتحوا الزفت ده انت منين قاله من اليكس قاله من باريس يعنى قاله لا ياعم اليكس دى اختصار الاسكندريه رد وقاله طب متجول كده ياعم الله يرحم والديك ,وانا من الصيكس ,كابو استغرب قاله انت بتشتم قاله لا الله يرحم والداى يعنى الصعيد مهنلعهاش ولا ايييه اشمعنا انتوا عاد ياولاد مصر .هب وفجأه لمح هريدى واحده موووووووز اوى قالها خدى يابت انتى اجولك,كابو بت ايه ياعم انت بتكلم واحده فى كافيتريا !!! اسمها ياانسه وانت اللى تروحلها هو انت بتنادى الحاجه تجيبلك الفطار ,قاله هريدى فكرك كده قاله ايوا ياجووو,راحلها هريدى وقالها ايه يابت انتى صاروخ ارض دو ده انتى لو حدانا فى البلد كانوا كالوكى اكل زى الجيرسى اكده فى القاهره ,وايه يابت اللى انتى لابساه ده اللبس ده شوفته فيييين شوفته فييييييييين ايواااااع يابت كان على القنا الاولى فى التلفزيون سمعتى عنها يابت والله شكلك جاهله وم عارفه حاجه المهم ياجاهله وكان فيلم ابيح جوى جوى وكانت البت النجمه دى لابساه فى اوضة النوووم ايه اللى خرجك اكده يابت من اوضة نووومك هاااا جووولى ابتمشى وانتى نايمه يابت ,كابو بس يابو الهرايد شكلك هترفدنا من قبل مندخل ياعم الله يحرقك معلش ياانسه هريدى بيحب يهزر بس هزاره معلش صعيدى حبتين ,ردت الموزززززه وقالت...........
استنونا الحلقه الجايه .....

جميله جدا جدا
بارك الله فيك القلب الحزين