اصعب مرحلة بحياتى

دا اول موضوع ليا بالمنتدى واتمنى يعجبكم هو موضوع بيحكى عنى وعن مرحلة عدت عليا مرحلة بعمرى صعب انها تتنسى بس اكيد نسيانها قرب بل بالعكس يعتبر فى نهايتة لان كل ما الوقت بيمر عليا بكتشف انى كنت غلطان ايوة كنت غلطان اوى فى حق نفسى وغلطتى ان لما حبيت انسانة يمكن ماكنتش بتفكر فيا زاى ما كنت بفكر فيها انا كنت دايما افكر بقلبى وقتها كنت ناسى عقلى ودايما كنت احكم قلبى بالرغم من ان انداس على قلبى كتير اوى وانجرحت اكتر المرحلة دى انا دلوقتى بندم انها مرت بحياتى كنت زاى اى حد بتيجى علية فترة وبيحب بجد بس المشكلة ان الحب دة جة بعد مرحلة نقاء وجة وانا لسة كنت بحاول انسى حبى القديم كنت اقتنعت ان اللى راح عمرة ماهيرجع تانى قلت ابدا من النهاردة وافتح صفحة جديدة اشوف الحياة بنظرة تانية مختلفة فبدل ما اخرج من قصة حب دخلت قصة حب جديدة بس اصعب بكتير اوى من قصة حبى الاول الحب الجديد دة مع مرور الوقت حسيت ان هو الحب الوحيد اللى عشتة واللى قبل كدة كان مجرد زكرة جميلة عدت عليا الحب الجديدة دة بمرور الوقت برضو سيطر على كيانى سيطر على عقلى وقلبى لدرجة انى كنت بضحى بكل شىء فى سبيل ان الحب دة مش يضيع منى زاى اللى قبلية كنت فاهم انها تقدر تضحى زاى بس لاسف يوم ماضحت ضحت بيا انا ضحت عشان غيرى يعيش سعيد مبسوط مكنش فارق معاها انا هاكون اية هل هاكون تعبان هل ممكن اموت مش فرقت معاها حاجة قلب ضحى بحاجات كتير اوى فى سبيل ان حبهم يعيش وقلب تانى ضيع كل التضحيات دى وباع القلب اللى حبة انا اسف اسف انى حبيت من تانى وجرحت نفسى وماتعلمتش انا فعلا صعبان عليا نفسى اوى لان دايما اضحى عشان غيرى يكون سعيد ويوم ماضحيت عشان حبى يعيش يوم مافكرت اضحى لنفسى وعشان الانسانة اللى بحبها نكون مع بعض وحبنا يكمل للنهاية ونكون اسعد اتنين , وقتها اكتشفت انها بتبعنى اللحظة اللى كنت بضحى فيها عشان نكون لبعض هيا نفس اللحظة اللى كانت هيا بتفكر تعمل اية عشان تجرح القلب دة القلب اللى حبها واخلص فى حبها القلب اللى دايما كان بيصرخ لانها كانت دايما بعيدة عنة القلب اللى كان محتاج ان هو يفرح ولو مرة واحدة بس دلوقتى القلب دة مات ايوة مات من كتر ماانظلم انجرح واتألم واتعذب كتير اوى جة اليوم اللى لازم كان يموت فية احساسة بالفرحة القلب دة مش قادر يفرح مش عارف يفرح زاى قلوب كتير فرحانة ضاعت منى كل حاجة حلوة بس لسة جوايا امل امل انى اكون حاجة كبيرة اوى بس دعواتكم ليا ان ربنا يوفقنى [/size] محمد المجروح