ما هو الحب؟

موضوع: ما هو الحب؟ الجمعة يونيو 13, 2008 9:26 pm

ما هو الحب ؟؟؟؟

عاوزه اعرف يعنى ايه حب ؟؟
بتحس بى ايه بتعرف انك خلاص حبيت؟؟
عاوزه اجاااابه على اسالتى

موضوع: رد: ما هو الحب؟ الأحد يونيو 15, 2008 2:35 pm

الحب هو نبض القلب وتلاقى الانفاس وتشابك النظرات وتحليقهما فى سماء خالية من الحقد والكراهية
الحب هو ذلك الشعور الخفى الذى يتجول فى كل مكان ويطوف الدنيا بحثا عن فرصتة المنتظرة ليداعب الاحساس ويسحر الاعين
ليتسلل بهدوء داخل تجاويف القلب ليمتلك الروح والوجدان
الحب هو انصهار قلبين واتحاد روحين لتكون قلب وروح يجمعهما جسدين
الحب هو جنة الدنيا وفردوس الحياة انة الامل الذى يشرق على القلوب الحزينة فيسعدها
ويدخل على القلوب المظلمة فينيرها ويبدد ظلمتها ويتسرب الى الجوانح فيغمرها بضيائة المشرق الوضاء

انة اللحن الجميل الذى يوقع انغامة على اوتار القلوب ونبضاتها فيكون عزاء المحروم وراحة المكموم ورجاء اليائس
انة النعيم الذى يرجوة كل انسان
انة الجنة التى يحلم ان يعيش فيها كل شاب وفتاة

الحب اخلاص وصدق ورحمة وتسامح
الحب تجاوز عن السيئة وزرع لامل فى قلب حزين
الحب عطاء بلا حدود وتضحية لاتنتظر اذن من العقل
الحب اعجاب بالصورة والشكل وعشق للروح والفكرة
الحب امتلاك دون انانية وصداقة متوازنة سليمة
الحب وسيلة للبناء وروح للسعادة وقلب ينبض بارادة جبارة
الحب مرأة ترى بها من تحب خالى من العيوب
الحب اسمى من ان يكون احساس بالقلب فقط
بل يتعدى الحدود والفوارق
الحب اكبر من ان يفهمة او يعرفة
الا من عاشة بكل مافية من عذاب وافراح

الحب هو ان تفهمنى وافهمك دون ان نتكلم
هو ان تسمعنى قبل ان اقول
الحب هو نقاء وصفاء
هو اخلاص ووفاء
هو تضحية وصبر
وشوق وحنين
هو سماء صافية لا حقد فيها ولا ظلم ولا ظلام
فالحياة بلا حب الم بلا أنين
وغربة بلا حنين
وعناء بلا شجن

هذا هو الحب لايدرك تلك الكلمات الا كل عاشق قد ترك الحب بابة
دة معنى الحب

امتى نعرف اننا حبينا بجد

ساعة ميلادة يولد المرء من جديد
ساعة شعورك بة تحسى ان جواكى احاسيس كتيرة اوى
احساس بالفرحة واحساس بالخوف
تحسى ان قلبك بيسال علية
تحسى ان عقلك دايما بيفكر فية
تحسى ان جواكى حاجات كتيرة نفسك تقوليها بس مش قادرة تكلمى
لما تحسى ان الشخص دة حتة منك
واما تحسى ان هو الدم اللى بيجرى فى عروقى
لما تكونى مستعدة انك تضحى بعمرك كلة فى سبيل ان هو مش يتألم لحظة واحدة
فى الوقت دة تأكدى انك حبيتى بجد وان قلبك بقى ملك لشخصين
ولو عندك الاحساس دة تجاة شخص اوعى تترددى فى انك تحسسية بحبك لية
مش لازم تقوليلة بحبك عشان يحسك
كفاية انك تقربى منة اوى وتحسسية بحبك

ميرسى دمعة حزينة على اسألتك وموضوعك الجميل
واسف انى طولت عليكم

موضوع: رد: ما هو الحب؟ الأحد يونيو 15, 2008 5:53 pm

دمعه اسمحى لي ان اجب على اسألتك
مع العلم انى هجاوب على الاسئلة دى باحساسى

عاوزه اعرف يعنى ايه حب ؟؟
الحب دا حاجة بتخطف الانسان من عالم لعالم تانى اجمل بكتير من اى حياه كان عيشها .

احساس بيخليه طاير فى الدنيا .
حب يعنى احساس بالساعده والاطمئنان والراحه النفسة .
احساس بأمتلاك كل حاجة حلوه فى الدنيا .
الحب هوا اسمى احساس فى الدنيا كلها
بتحس بى ايه بتعرف انك خلاص حبيت؟؟
تحس انك نفسك تشوف الانسان الى انتى بتحبه دا قدام عنيك طول الوقت ونفسك تعيش معاه فى مكان واحد طول عمرك
نفسك تكمل باقى حياتك جمبه
نفسك تعيشة فى ساعده
نفسك تملا كلها حياته
نفسك تحس انفاسة الى بيتنفسها

مش عارف هوا احساس جميل بجد مش عارف اعبر عنه

يا ريت اكون عرفت اجاوب على اسألتك

دمعه كم انتى متألقة فى ادارج مواضيعك
تميزك ليس بجديد عليكى
تقبلى منى فائق التقدير والاحترام ,,,,

الحب اولا زى ما قال صديقنا العزيز محمد نور
ثانيا هو ممكن يكون ارتياح بين طرفين
او زى ما بيقول المثل
القلوب عند بعضها
اما بالنسبه للاحساس بانك حبيت
تلاقى نفسك سعيده لدرجه تخليكى تطيرى فى السما
وبالذات لو كان الطرف التانى بيبادلك نفس الشعور
اما لو انت بتحب وغيرك مش حاسس بالحب ده
يعنى بمعنى اصح حب من طرف واحد
يبقى مفيش احساس بالحب
ولا فى حب كمان بالمره
يالا يا دمعه حزينه
ولا تزعلى
تحياتى لكى بالتقدم الدائم
scorpion

ميرسى على الردود الجميله اوى
والحب اجمل حاجه فى الدنيا والاجمل ان الى بتحبوا يحس بحبك ليه
ويقدروااا
احساس جميل اوى لما تحس ان فى حد بيخاف عليك وانت كمان
بتخاف عليه

موضوع: رد: ما هو الحب؟ السبت يونيو 21, 2008 1:40 am

1- الحب مش كلمة تتعرف او مصطلح يتفسر فهو صفة لا توصف وقاموس متألف من العديد من المفردات والاحاسيس والمشاعر التى تتواصل لا مرئيا بين الطرفين فى انسيابية وسلاسة ...روح ثالثة تتدفق بين قلبين جمعتهما رابطة رومانسية يتحكم فيها القدر بفروضه دون اختيار منهما....
مفيش تعريف كامل للحب مهما ذكرنا وكتبنا وعشنا من تجارب سعيدة وحزينة... ووصفه يختلف من قلب لاخر فهذا قلب مجروح من الحب وهذا طائر بالحب فى دنيا بعيدة واخر فى حيرة وأرق بين العالمين

2- احساسي لما بحب له تفسير كبير وواضح ومش صعب الاجابة علي السؤال...بس بالمناسبة الاجابة مش معلومات بنحفظها ونخليها دايما قدامنا عشان تمشي مع احساسنا لو حبينا ونعرف ان الحب لو تطابق معاها يبقى خلاص حبيت حد معين
بسهولة لو حبيت حد بحس جوايا انى حبيته كده من غير تعقيد او لا مبالاة دى الحقيقة احساسي بيكون انى دايما عاوز اشوفه واكلمه اسأل عليه واكون جمبه واحس بانقباضة فظيعة لو حسيت ف لحظة انى ممكن اخسره
مشاعر جوانا بتشدنا دايما ناحيته نلجأله ف الخوف والفرح فى الضيق والحزن ومستعدين نعمل اى حاجة عشان نفرحه حتو لو هيكلفنا ده اغلى حاجة عندنا
كل دى افكار بنحسها تلقائيا جوانا من غير سابق تحضير وبتطلع فى اللحظة اللى فيها ذروة مشاعر حبنا للانسان ده ومن وقتها بتكون البداية اللى بتخلينا بعد كده منقدرش نبعد عنه مهما كانت العقبات