غـــــــــــ غـــــــــــزة ـــــــــزوة

دى قصيده كتبتها فلسطينيه شجاعه

بتقول فيهـــــــــا

باكتبلك من جوه حصار.. باكتبلك من تحت جدار..

باكتبلك من أرضى الحبلى بالأحرار..

باسمى وباسم الشهدا والثوار..

باكتبلك وفى حلقى مرار..

غزوة غزة..

غارسة فى قلبى سيف من نار..

جيش جرار.. جل سلاحه جبن وعار..

شعبى الأعزل واقف صامد..

وانتو بتختلقوا الأعذار.. أنده لك ألاقيك محتار..



أسيادك ماسكينلك ذلة وانت حمار..

لا بتحسب إيه آخرة صمتك..

ولا عارف مين اللى بياكلك..

ولا بكره مين راح يحتلك..

ماهو لازم حيجيلك الدور..

مرسوم لنا كلنا أدوار..

الأخت الكبرى..

بايعة الغاز للسمسار.. وولادها لو ولعوا شمعة..

أو قالوا بصوت عالى كلمتهم..

العسكر يحرقوا دنيتهم..

أسوار جواها أسوار..

غزوة غزة..

شاهدة عليكو ليوم الدين..

غزة يا اخويا مش حتموت.. ولا حتسلم.. ولا تنهار..

اقفل بابك، سد ودانك.. مهما حتكدب.. حتهرب..

حتما برضه حييجى نهار.