اصعب ســــــــؤال فى الحب ؟ !!

بسم الله الرحمن الرحيم

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح
بس هقول ايه هى الاجابة المنطقية يا ترى

يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه

الكل لازم يجاوب عليه

محمد الموضوع كأنك بتتكلم عني
وعن تجربة انا عشتها في كل كلمه انت قولتها هنا
بجد احساس صعب جدااااااااااااااااااا
لما تكون بتحب انسان وتبني كل حياتك معاه
بس بسبب الاهل يكون الفراق هو النصيب
ودا فعلا اللي حصل معايا كنت بحب واحد وهو كمان
واتقدملي مرة وبابا رفضوا من غير اي سبب
وفضلنا مع بعض سنين وقلنا يتقدم تاني ولما بابا يشوفه اتقدم تاني
يوافق وفعلا اتقدم من تاني لكن للاسف برضو
رفض مش راضي يقول ايه السبب
وكملنا مع بعض سنين بس ايه الفايدة لما نكمل مع بعض
ومفيش اي أمل ان بابا يوافق فقررنا اننا نبعد
وطبعا بعد عذااااااااااااااااااااااب عشناااه سنين
واتعلقنا في بعض اوووي لكن
ربنا مش كاتب لينا اننا نكون مع بعض
والحمدلله على كل شيء
واكيد يا محمد الاجابة واضحة على سؤالك
وبجد الموضوع مأثر فيا وذكرني بحاجات انا كنت نسيتها
الله يسامحك
ههههههههههههههههههههههه
بهزر والله بجد الموضوع عجبني وعلى طول رديت عليه
ميرسي جداااا يا قمر
تحياتي
سمر القمر

المهم ان الموضوع عجبك وانك حستيه
وبجد اسف جدا لو كنت فكرتك بحاجه ضايقتك
اتمنالك التوفيق يا سمر
وبجد نورتى الموضوع

تحياتى
محمد نور

لا يا قمر مش محتاجة انك تتأسف
بس بجد الموضوع عجبني جدا وحسيت بيه لاني عشته
بس خلاص نسيته وبعدين الحمدلله ربنا عوضني ولقيت
اطيب قلب في الدنيا و نساني كل جرح عشته في حياتي
واتمنالك التوفيق يا عسل
تحياتي ليك
سمر القمر

الموضوع ده بجد جامد فعلا
بس انا من رايى ان الاختيار الصحيح
هو الاهل
عشان مينفعش البنت ترتبط من غير موافقه الاهل
احييك بجد على الموضوع الجامد ده
امير

سمر

ميرسى بجد على كلامك ده
واتمنالك التوفيق من كل قلبى مع القلب اللى انتى بتحبيه

امير جبال الاحزان

عجبتنى دخلتك على فكره
ربنا مايحرمنا من دخلتك علينا
ههههههههههههههههههه
بجد نورت التوبيك يا باشا

تحياتى
محمد نور

اول حاجة الموضوع جدآجدآجدآ مؤثر انا مش عارفة ليه الاهل بيوقفو قدام اي اتنين بيحبو بعض انا اتحطيت في دا الموقف وكانت الاسباب مش مقنعه ابدآ بس حاولت لحد ماتمت الموافقة الحمدلله الحمدلله الحمدلله وانا متاكده اني حيجي يوم ويقولو احنا ازاي كنا رافضينه بالنسبة للاجابة اقول الاهل طبعآ واتمنى لكل اللي يحبو بعض انهم يتجوزو وماتكونش عندهم عوائق ابدا ابدا لاني بفرح اوي اوي اوي شكرآ ياميدو على الموضوع الهايل ده دانت بتجيبها على الجرح ياجاااااااااااااااااااااااااااااامد انت

هوبااااااااااااااا
بجد انا سعيد جدا بكلامك الجميل ده
وبان اهلك وافقوا على حبيبك
وان شاء الله ربنا يوفقكم مع بعض
يااااااااااااااااااااااااااااارب
بس ابقى افتكرينا
ها
هههههههههههههههه
بجد بتمنالكم حياه سعيده
وان ربنا يوفقكم مع بعض
وميرسى بجد على ردك الجميل يا قمر
تحياتى
محمد نور