اسئلة محرجة للشباب

هنا بعض الاسئلة للشباب الحلوين واتمنى
اني اشوف اجابات صريحة ومقنعة
نبدأ

من تكون الانثى التي تقف امامها ضعيفاً ؟ ماتقولش امي

عندما تكون معجبا بفتاة .. ماهي طريقتك في الوصول الى قلبها ؟

في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك ؟

كم مرة تنازلت عن مبادئك من اجل انثى ؟

هل تتزوج من تحبها .. ام تحب من تتزوجها وايهما تراه اجمل ؟

ايهما اجمل المراة في الواقع ام في الخيال ؟

هجرتك من تحبها .. هل تبادلها الهجر ام تودد لها حتى تنعم بوصالها مرة اخرى ؟

هل خضت يوما حربا من اجل الوصول الى قلب انثى .. وهل ظفرت بقلبها

هل تبوح لزوجتك باخطائك

ماهي الكلمة التي تربكك من الانثى ؟

يلا يا حلوين عايزين نشوف الاجابات
تحياتي
سمر القمر

1:
الى اكون واقف قدامها ضعيف هى حبيبتى لانى مبكنش اقدر ازعلها فبكون ضعيف قدامها بس مش طول الوقت طبعا
2:
طريقتى انى احسسها انى خايف عليها مثلا او مهتم بيها او بغير عليها من اى حاجه او اقولها انتى بتعملى غلط متعملهوش تانى
3:
اقل حاجه اقولها او الريئاكشن بتاعى يكون ربنا يسعدها واتمنالها الخير دايما
4:
كتير اوى كنت بتنازل عشان حبيبتى بس فى الاخر بترجع ويكون انا الصح
5:
انا عن نفسى احب انى اتجوز الى احبها لان لو اتجوزت وبعدين يكون فيه حب ممكن ياخد وقت طويل اوى
انا عن نفسى بفضل اتجوز الى احبها
6:
والله الاجمل ساعات بتكون فى الواقع لو لقيت البنت الى بتمناها وساعات تانيه بتكون فى الخيال لو انا مش لقى الى بتمناها
7:
انا احاول واعمل الى عليا لو منفعش خلاص بتكون ذكرى جميله بالنسبالى
8:
بصراحه لا
9:
لا او مش كل الاخطاء اقول عليها لان ممكن يتريب عليها مشاكل كتير
اما بالنسبه للكلمه الى تربكنى انها تقولى انها عاوزه تسيبنى مثلا
اكيد هكون فى قمه الارتباك والجنون

انا بحييكى على الاسئله الجامده دى واتمنى من كل الشباب انهم يجابو عليها بكل صراحه
امير جبال الاحزان

ميرسي اووووي يا عسل على اجابتك للأسئلة
وعلى صراحتك وبجد انت شخص لطيف
وبتمنالك كل خير وتاني بقولك ميرسي
وتحياتي ليك يا قمر
سمر القمر

احيكى على الاسئله الجميله دى
1:الانثى الى بكون قدامها ضعيف بلا شك هى حبيبتى
2:اعتقد انى فى حصولى على تقه البنت الى معجب بيها اسهل طريقه لاوصلها كل الى عاوزه تعرفه
3:رد فعلى متوقف على سبب افترنا يعنى لو كنت انا السبب انا الى ما عرفتش احافظ على حبها لظروف خرجه عن ارادتى
هتمنى لها السعاده الابديه
اما لو كانت هى السبب صدقنى انا ش عارف ممكن اعمل ايه او يحصل ايه
4:انا اتنازلت عن مبادئ بس حبيبى بس اكيد فى حدود صعب انى حد يتخطاها
5: اكيد طبعا هتجوز الى انا حبتها لانى مش من المنطق انك تلاقى حد عايش حياته ليك وحد بيحبك بجد وتفرط فيه لا وايه علشان تجوز حد انته اساسا ما بتحبوش صعبه شويه
6:انا عن نفسى اهجرها لاسبب بسيط لانى زى ما قوتلك انه فى حدود ليا واقرب هذه الحدود كرامتى يعنى عمرى ما تخيلت نفسى انى بتودد لحد او حتى بتحايل عليه
انا عارف انه ردك غير منطقى ومالوش وجود فى مدرسه الحب بس اعذرينى دى فلسفه خاصه
7:انا ما بحبش اخوض حرب على قلب انثى عادى يعنى الا اذا كنت فعلا بحبها او معجب بيها واكيد لحب هيكون من طرف واحد
8:المراه فى الخيال اجمل بكتير من المراءه فى الواقع لان الحكمه الى بتقول ان المراءه استاذ الشيطان فى المكر والذكاء انا بحترمها جدا
دا مش معانه انى ما بحبش المراءه بالعكس انا اكتر الناس اعجابا بذكاء المراءه وتفكيرها
9:لو كان زواجى بيها عن حب بالتاكيد هكون كتاب مفتوح ليها
لو كان زواجى بيها تقليدى اكيد مش هكون صريح لدرجه المثاليه
10:اسمحيلى ما جاوبش على السؤال دا

عموما اسئله رائعه جدا والاجمل انها بتميل للواقعيه
احيكى عليها مره تانيه
اتمنى لك التوفيق
يا ريت تتقبلى مرورى

Desart Storm

ميرسي اووي يا مارفن على اجاباتك الصريحة جدااا

وانا عايزة اقولك ان كل شخص وليه وجهة نظر في الحياة

وانا بحترم كلامك وممكن اكون معاك في بعض الكلام

وتاني بقولك ميرسي جدااا وبتمانلك التوفيق

تحياتي

سمر القمر

اسئله جامده اوى يا سمر بجد
بحييكى عليها

من تكون الانثى التي تقف امامها ضعيفاً ؟ ماتقولش امي

ماقولش امى ؟
طيب بقلك ايه
مفيش اختيارات هههههههه
كده مفيش غير حبيبتى

عندما تكون معجبا بفتاة .. ماهي طريقتك في الوصول الى قلبها ؟

لو معجب اكيد هاقولها
اما لو حبتها وعاوز انى اوصل لقلبها هاقرب منها اوى
يعنى هاحسسها بكل اللى انا حاسس بيه بس بطريقه غير مباشره
كمان الاول هاحاول اعرف لو كان فى انسان تانى فى حياتها او لا
حاجات كتير اوى يا سمر

في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك ؟

لو انا سبب الفراق واللى ادى انها ترتبط بحد تانى وتخلف منه كمان
فاكيد مش هلاقى غير الندم وكسره جوايا مش هايحسها حد غيرى
وهادعيلها ان ربنا يوفقها

اما لو كانت هيا السبب
فمش عارف اقولك قد ايه هتلاقى منى نظرة عمرها بحياتها ماهتشوفها
وهامشى واسيبهاا

كم مرة تنازلت عن مبادئك من اجل انثى ؟

ولا مره ومستحيل يحصل لان عمرى ماهغير مبادئى عشان اى حد
لان بحسها جزء كبير من شخصيه الانسان
وبيتهيالى كمان ان اللى يقدر يتخلى او يتنازل عن مبادءة يقدر كمان يتنازل عن اى شىء تانى

هل تتزوج من تحبها .. ام تحب من تتزوجها وايهما تراه اجمل ؟

اتزوج ممن احبها

وده الاجمل من وجه نظرى

ايهما اجمل المراة في الواقع ام في الخيال ؟

فى الواقع
لانها بتكون اكتر محسوسه

هجرتك من تحبها .. هل تبادلها الهجر ام تودد لها حتى تنعم بوصالها مرة اخرى ؟

السؤال ده اجابته بتتعلق بالكرامه
وانا عمرى ما دوست على كرامتى فى سبيل اى شىء مهما كان
وعلى فكرة حصلت معايا مع اول حب حسيته
وضحيت بحبى عشان كرامتى
وبصراحه اتعذبت كتير
بس استحملت العذاب ده عشان اصون كرامتى

هل خضت يوما حربا من اجل الوصول الى قلب انثى .. وهل ظفرت بقلبها

لا مش خوضت خالص
ومش عارف
انتى شكلك كده هاتدخلينا فى السياسه وهاتودينا فى داهيه ههههههههه

هل تبوح لزوجتك باخطائك

مش عارف لانى ماتزوجتش قبل كده
هههههههههههه

مش عارف بجد
بس احتمال اقول عادى
لانى مش بخاف انى اقول اخائى لاى حد
لان بحس ان ده بيساعدنى كتير اوى فى انى اكتشف اخائى واعالجها

ماهي الكلمة التي تربكك من الانثى ؟

على فكرة انا جاوبت عليه فى كرسى الاعتراف

ميرسى جدا يا سمر على الاسئله الجامده دى
وانا استمتعت بيها
ومش قادر اوصفلك قد ايه كانت صعبه اوى بجد
هههههههه
حقيقى كانت صعبه وممتعه بنفس الوقت وانا جاوبت بكل صراحه

تحياتى ليكى وتمنياتى ليكى بالتوفيق الدائم

ميرسي اوووي يا محمد على اجاباتك الصريحة

وربنا يوفقك يا عسل

تحياتي ليك يا قمر

سمر القمر