ملك: احنا رتبنا كل امورنا علي الشقه دي واهلي واهلك كمان هنروح دلوقتي نقولهم ايه خلاص مفيش شقة
(تنهمر في البكاء)
كريم : يلعن الشقة وصاحبة الشقة متعيطيش كده
ملك : انا مش عارفه العن مين بالظبط الست ثرية ولا الظروف ولا الحب الي جمعنا ببعض العن مين فيهم ياكريم مين
كريم : طيب علشان خاطري ياملك بطلي عياط انا فيه الي مكفيني
ملك : انتا عارف دلوقتي ايه الي هيحصل
( في صالون منزل ملك يجلس كريم مع والد ملك وتوجد الشبكه علي الطريبزة
كريم : ياعمي بلاش تبقي انتا كمان علينا
والد ملك : الجواز قسمه ونصيب وانت وملك ملكوش نصيب مع بعض
كريم : ياعمى موضوع الشقة دي مش نهايه المطاف
والد ملك : اسمع ياكريم انت من يوم ماجيت وطلبت ملك وانا بحبك بجد زى ابني مش لانك عريس بنتي والكلام ده لا علشان انتا فعلا انسان كويس عارف و انا شاب صغير كنت لما اعوز حاجةومااعملهاش محدش كان يعرف يقف قدامي من كتر الغضب بس مرة علي مرة اتعلمت حاجه مهمه اوي انا الطريق اللي تمشيه وتلاقي فيه عقبات ده معناة الحذر
كريم : الحذر
والد ملك : ايوه الحذر لان ممكن الى جاى ميكنش خير وانت وملك حظكو قليل مع بعض وده معناه الحذر يمكن دلوقتى تكون مش مقتنع بكلامى يس خليك فاكر كلامى ده كويس لانك بعدين هتقول الراجل ده كان عنده حق
(تجلس ملك فى حجرتها تبكى تدخل لها والدتها)
والدة ملك : ارحمى نفسك بقى ياملك
طول الليل والنهار بتعيطى
ملك : ارحمونى انتو وسيبونى فى حالى مش عملتو اللى انتو عاوزينه خلاص سيبونى فى حالى بقى سيبونى
* * * * *
(والد كريم يجلس فى حجرة نومه يدخل زوجته)
الوالد : عامل ايه دلوقتى
الوالده : زى ماهو بياكل بالقطاره وخلقه بقى اضيق من الاول ده حتى كسر موبيله
الوالد : كسر كوبايله ! ليه؟
الوالده : اصل تليفون ملك مقفول على طول ومن عصبيته كسر الموبايل , تلاقى ابوها اخده منها
الوالد : انا قلبى بيتقطع وانا شايفه فى الحاله دى ومش قادر اعمل حاجه
(يرن جرس الباب)
الوالده : مين ياترى
* * * *
(يجلس كريم ومعه الاستاذ رافت فى صالون بيت كريم )
رافت : ايه ياكريم
كريم : ايه
رافت : هاتستسلم
كريم : لا انا بس يومين كده وهنزل الشغل
رافت : كويس . بس انا مش بتكلم عن الشغل بس انا مريت بنفس ظروفك وكنت انا ومرلتى هنسيب بعض بس انا ماستسلمتش وانت كمان لازم متسنسلمش وتقوم وتحل مشكلتك
* * * *
(يقف كريم على اول الشارع تاتى ملك ومعها صديقتها)
كريم : ملك
ملك : كريم وحشتنى اوى
كريم : انا كنت هتجنن فى اليومين الى بعديهم عنى دول ( يلتفت لمى )
شكرا اوى يا مى انا عمرى ما هنسى مساعدتك لينا
مى : المهم بس اشوفكم فى بيت واحد
ملك : يارب
مى : انا همشى بقى سلام
كريم : يلا بينا
ملك : على فين
كريم : هنروح لثريه
ملك : تانى
كريم : حسن قلى انه شاف معاها العقد مش ناقص غيرتحط اسم المشترى والمبلغ الى دفعه ومش بعيد المره دى تحن علينا
ملك : ياريت ياكريم
* * *
(فى شقة ثريه)
الست ثريه:يوه هو انا الى اعيد فيه ازيد فيه قلتلكو معنديش شقق ليكم
كريم : كنتى قلتى الكلام ده من اول مره قابلتينا فيها مش توعدينا وتخلفى(يتكلم بعصبيه)
ملك : انتى متعرفيش كلامك الى قولتهولنا فى اول مره ورجعتى غيرتيه عمل فى حياتنا ايه
الست ثريه : بقلكو ايه شغل الافلام ده انا مليش فيه . وخلاص انا هبيع الشقه النهارده يالابقى اتفضلو مع السلامه
كريم : لا بقلك ايه انا مش خارج من هنا غير والشقه دى بتعتى
ثريه : انت اتجننت ولا ايه امشى من هنا احسنلك بدل مالم عليك الجيران واسلمك للبوليس
كريم : مابقتش تفرق معايا كده كده ضايع
ثريه : كده طيب انا هوريك
(تهم بالذهاب نحو الباب للصياح يمسكها كريم ويجلسها على الاريكه ويمسك بعنقها)
كريم : فين عقد الشقه
ثريه : مش هتاخد حاجه الحقونى الحقونى ياناس
(تمسك ملك بالمسند وتضعه على فم ثريه فيخرج صوتها مكتوما)
كريم : انتى ليه مش عايزانى اعيش زى الناس ماهى عايشه هاخد الشقه ومحدش هياخدها غيرى . فين عقد الشقه
ثريه : اه الحقونى يلعنكم ربنا ياناس الحقونى
كريم : فين عقد الشقه فين العقد
ثريه : اه اه اه
(تسكت ثريه وكريم وملك بكتشفان انها ماتت فيجلسان مصدومين يرتعش كريم وتبكى ملك)
كريم : قتلناها ....... لا مش معقول لا لا انا انا ماحستش بنفسى كنت زى الى بيصرخ وشايف كابوس
ملك : احنا بقينا مجرمين ياكريم بقينا مجرمين
كريم : لااكيد مش احنا اللى قتلناها احنا احنا منقدرش نعمل كده احنا مش ممكن نعمل كده
ملك : لا احنا احنا اللى قتاناها
كريم صارخا : لا
(يبكيان سويا ثم يجلسا مصدومين)
ملك : احنا هنفضل قاعدين كده لغايه ما البوليس يقبض علينا
كريم : انا مش قادر افكر ولا حتى قادر اتحرك من مكانى
ملك : احنا لازم نمشى من هنا قبل ماحد يشوفنا
كريم : انا بفكر نسلم نفسنا
ملك : نسلم نفسنا ده ايه انت اتجننت د ى فيها اعدام
كريم : اعدام!
ملك : ده قتل بالعمد كمان فكر فى اهلك دى تبقى مصيبه لو اتقبض علينا لازم نهرب من هنا يلا
كريم : ايوه يلا
ملك : استنى احنا لازم نسرق حاجه من الشقه علشان يبان ان القتل تم بغرض السرقه مش بغرض الانتقام علشان محدش يشك فينا.......... تعالى نفتش فى اوضة نومها
(يفتشان حجرة نومها فيجدان شنطة سفر قماش مملؤه بالاموال)
كريم : ايه دهملك : شايف ايه فلوس يلا بسرعه اقفل الشنطه وامشكها كويس
الثلاثاء يناير 06, 2009 6:58 am
القلب الحزين