( ينزلا من الميكروباص ويقفا امام احدي العمارات
ملك : هي دي العمارة اللي فيها المكتب
كريم اطلع معاكي
ملك : وبعدين انت مش وعدت صاحب المحل انك مش هتاخر
كريم : عايز اطمئن عليكي
ملك : قولتلك ماتخافش عليا طول ماحنا بنعمل خير هنلاقي خير يالا علي شغلك وانا اول ماهانزل من المكتب هاكلمك
كريم : ماشي خلاص خالي بالك من نفسك
ملك : يلا سلام
( في حجرة مكتب يجلس رجلان كباروتجلس ملك في الكراسي المقابل لهما )
يتكلم رجل منهما :طيب ياانسة ملك احنا طبعا اتشرفنا بمفابلاتك وانشاء الله قريب هانكلمك
ملك : شكرا يافندم ...... مع السلامه
(تخرج ملك من حجرة المكتب تجد كريم منتظر في حجرة السكرتيرة )
ملك : كريم انت مامشيتشي
كريم:بصراحه ماجليش قلب امشي من غير ماشوفك عملتي ايه..... بصالى ليه كده ....بقولك عملتي ايه
ملك : ولا حاجه قالولي هنرود عليكي قريب
كريم : انشاء الله يختاروكى ودلوقتي بقي يالا بينا علشان زمان عم رافت هيعتقلني
ملك : يالا
(يجلس كريم مع والدة في حجرة نوم الوالد)
الوالد : اديني طلعت امك برة خير بقي عايزني في ايه
كريم : من غير لف ولا دوران
الوالد : ولا عتبة
كريم : هاها
الوالد : كريم الساعة واحدة وانا عايز انام
كريم : عوز اخطب
الوالد : تخطب : وهو انت معاك ايه علشان تخطب
( يجلس كريم مع والده والد ةملك وشقيقها في صالون بيتهم)
كريم : هو انا صحيح دلوقتي ماعنديش شقه ولا شغل حكومي ثابت بس انا بدور مش ساكت وانشاء الله ربنا يكرمني
والدة ملك : والشبكة
والد ملك : مش وقت الكلام ده ياام ملك يلتفت لكريم علي العموم يابني احنا لازم ناخد وقت تفكر كويس وبعدين نرد عليك
تجلس ملك برفقه اسرتها علي سفرة الغداء
والد ملك : والله انا سالت عليه وكلهم قالو عنه ولد كويس ومتربي واهله ناس طيبين وطول عنرهم في المنطقه عمر ماحد شاف عليهم حاجة
والدة ملك : بس ظروفه صعبة دة يعتبر شغال علي باب الله وممكن في اي وقت صاحب المحل يقوله مع السلامه وكمان معندهوش اي امكانيات
ملك ك ماهو الشباب دلوقتي كلهم كده المهم ان اخلاقه كويسه
( ينظرون لها باستغراب )
انا ....انا مش قصدي حاجه انا بس يقول رايي واللي تشفوة هيمشي
والد ملك : هو صحيح الواد حلو بس مش احلي منك
شقيق ملك : يعني قولتو ايه
والد ملك : انا بقول نتقابل مع اهله ونشوف
اقيمت حفله الخطوبه في احدي دار المناسبات
كريم وملك يرقصان رقصتها سويا
كريم : مصدقه
ملك : مش قولتلك طول ماحنا بنعمل خير هتلاقي خير
كريم : ده انا على كده عملت ثواب كبير اوي علشان ربنا يكافئني المكافاءة الحلوة دي
ملك : اقول لك حاجه ماتعرفهاش
كريم : ايه قولي
الثلاثاء يناير 06, 2009 6:37 am
القلب الحزين