اازاي تطلعي عين البوى فريند بتاعك
طبعا مش قصدى يعنى تطلعى عنيه اللى هى عنيه
لكن قصدى ازاى تخليه
يمشى راسه تحت ورجليه فوق عنيه
ازاى يعنى؟؟ مش مهم تعرفى
تعالى كده على جنب واقفلى باب الاوضة
وتممى عالشبابيك عشان محدش يسمعنا يا سكرة
....
......
..............
كله تمام يعنى
طيب يلا بينا نبدأ
اسمعى بقى منى الكام نصيحة دول
لما البوى فريند يطلب يقابلك
طبع انتى عارفة الرد
ايه ده انت اتجننت انت عاوز بابا وماما
يطردونى من البيت ولا ايه!!!
تمام عليكى
الخطوة التانيه
طبعا البيه لما فشل فى انه يخرج معاكى
اكيد هيكلمك فى الموبايل
وطبعا اكيد انتى عطتيه رقم الموبايل بعد عذاب
يعنى تديه كل يومين رقم وكده
مش الرقم كله مرة واحدة فاهمة
عشان يحفظ رقمك ويعرف قيمته
لازم تخليه يحفظ رقمك زى اسمه تمام
ومش كده وبس ده انتى تنسيه اسمه
عشان يحفظ رقمك مخصوص
طبعا بعد ما خد رقم الموبايل
اكيد هيجرى عشان يتصل بيكى
اكيد انتى مش محتاجة اقولك تعملى ايه
اول مرة يتصل مترضيش عليه
اعدى اتفرجى عالتلفزيون يا بنتى
سيبك منه الفيلم اهم طبعا
تانى مرة يتصل بردو ولا حتى تعبرى الموبايل
تالت مرة بقى اعملى الموبايل
سيلنت عشان ودانك متتعبكش من الرن
عالفاضى والمليان
اومال ارد امتى عليه ؟؟
اصبرى على رزقك هقولك اهوت
بصى يا ستى انتى تردى عليه بقى بعد عاشر مرة
واذا فكر يقولك مردتيش ليه
تقولى له
اانا كنت نايمة
وصحيت على صوت الموبايل
طبعا هو هيتحرج ويقولك
معلش صحيتك من النوم بس
انا كنت قلقان اوووووى عليكى وعاوز اطمن
تردى عليه وتقولى له
ثوانى باين ماما بتنادى
وياريت تخلى الثوانى دول دقايق ماشى
يعنى خليهم دقيقتين بالظبط
ارجعى تانى
الو ايوة يا ..........
معلش اصل ماما كانت بتنادى
شكلها شكلها سمعت صوتى ان صحيت
باى باى بقى
البوى فريند:طيب هطلبك كمان شوية
انتى:اوك اوك سلام
بعد كمان شوية
ترن ترن ترن ...
طبعا زى ما اتفقنا
تردى بعد الرنة الكام؟؟؟
لالالالالا اوعى تقولى العاشرة
دى اول مرة فى اليوم بتردى بعد العاشرة
لكن تانى مرة
ردى بعد الخمسة الا الواد يضيع بردو
لازم نراعى المشاعر
المهم
هو:الو... انتى بتغيبى فى الرد ليه بس
انتى:كتر خيرى اساسا انى عرفت ارد
هو :وحشتينى والله
انتى:متشوفش وحش
هو:بجد وحشتينى يا حبيبتى
انتى:حبك عفريت يا بعيد
هو:مالك بس؟؟؟
انتى:مالى فى جيبى ياخوية
هو:براحة شوية عليه
انتى:ليه هو انت شايفنى قتالة قتلة
هو:طيب ب....
اول ما يوصل للكملة دى بقى
انتى:سلام سلام ماما بتنادى
اهم حاجة بقى فى كل ده
انك لازم تتخانقى معاه كل يوم
اوعى تعدى يوم من غير خناقة
والله الولاد دول زى العقارب
يعنى لازم تديه على دماغه
عشان يمشى عالخط المستقيم
لازم تخليه يحس بقيمتك
واوعى تتعبطى ولا تتهبلى فى عقلك
وتروحى تقولى له بحبك والهبل ده
والله لو سمعك قولتى كده
اعرفى ان خلاص
السيطرة خرجت من ايديك
اسمعى منه اهلكن تقوليله لأ
ولو قالك كلمة حلوة صدية دايماا
حاولى تحرجه وتخليه ميعرفش يتلم عليكى خالص
لازم بجد توريه العين الحمرا
اوعى تريحيه ابداا
ولا ترسيه على بر
يعنى لما يسألك بتحبى الشيكولاته ولا البسكوت
قوليله مش بحب الحلويات
لما يسألك عملتى ايه النهاردة
قوليله عادى زى كل يوم
لما يقولك كلمة حلوة
كشرى فى وشة
حسيسيه انى مخنوقة منه دايمااا
وهتلاقيه والله بيزحف عشان يرضيكى
ما هما الرجالة كده يا حبيبتى
زى طابع البوسطة كل ما تتفى عليه يلزق اكتر
وعلى رأى المثل
يا مأمنة للرجال يا مأمنة للميه فى الغربال
بس كفاية عليكى نصايح كده لحد النهاردة
عشان تلحقى تذاكرى الحبة دول
مع السلامة بقى
اسيبك بقى دلوقتي..
وتقبلوا موضوعي
الإثنين ديسمبر 29, 2008 9:02 pm
