قصة حب عشتها

موضوع: قصة حب عشتها الجمعة ديسمبر 12, 2008 10:36 pm

انا هاكتب ليكم اول قصة حب عشتها وياريت الكل يستفاد منها

كنت فى بداية دراستى باول سنة بالجامعة وقتها اتعرفت بانسانة كانت كأى صديقة اتعرفت بيها لكن كان فى شىء غريب بيشدنى انى اقرب منها واعرفها اكتر واللى كان دايما يقربنى منها انها كانت زاى فى حاجات كتير منها
كانت بتحب الرسم وانا كنت فى الوقت دة مغرم بشىء اسمة الرسم والفن
بعدين عرضت عليها اننا نروح اللجنة الفنية بالكلية عشان نعرض الحاجات اللى هيا عملاها واللى انا عملتها
اكتشفت واحنا باللجنة الفنية انها مش جاية عشان تعرض اعمالها
عرفت انها جاية معايا لسبب تانى
حسيت وقتها ان جواها حاجة وعاوزة تقولهالى
بعدها طلبت منى اننا نتكلم شوية
وفى بداية كلامنا سالتنى سؤال
قلتلى فى حاجة عاوز تقولهالى
قلتلها انا حاسس انك قريبة منى وانى اعرفك من زمان
فسالتها نفس السؤال
قلتلى انا كمان حاسة نفس احساسك
ومشيت ومش كملت كلامها
سبتنى محتار
كنت بسال نفسى واقول هيا ممكن تكون اعجبت بيا وحبتنى
ولا احساسها مجرد احساس عادى خالى من مشاعر الحب

بعدها لما قربنا من بعض اكتر حسيت ان قلبى بدا يدق ويحس بشعور غريب عمرى بحياتى مكنت حسيتة قبل كدة
كنت كل ما اقرب منها كنت احسها اكتر لدرجة انى حبتها
ايوة حبتها بكل معانى الحب
حبتها بصدق مشاعرى

اوقات كنت احس ان فى حد تانى بحياتها وسالتها
قلتلى ابدا عمرى ماحبيت بحياتى ومفيش حد بحياتى غيرك انت
بدات اقراء عن البرج بتاعها وعرفت ان برج الجوزاء دايما يحب ان يكون اكتر من شخص بيعبر لية عن حبة ودايما يحسسة بالحب دة لكن فى الحقيقة ان الجوزاء مش بيحب غير شخص واحد بس
كنت زاى تاية مش عارف هل انا الانسان اللى بتحبة بجد وكل اللى حوليها مجرد اشخاص تحب تسمع منهم انهم بيحبوها
بس انا كنت دايما رافض للفكرة دى
وخيرتها بين انى اكون انا الشخص الوحيد اللى بتسمع لة وتحسة واكون انا الوحيد اللى جواها وبتحبة
او
انى ارحل عن حياتها وتفضل مع من تحب ان تسمع ليهم

فختارت حبى لكن لا اعرف هل مازال قلبها متعلق بالاشخاص الاخرين
انا تركت دة لضميرها واقسمت بينى وبين نفسى انى لو حسيت ان لسة جواها ميول انها تسمح لحد غيرى انة يقولها كلام بيعبر عن حب ومشاعر
ان لازم اتركها فى الحال وانسى كل شىء بيربطنى بيها
انسى قلبى مهما كانت هيا قلبى وحتى لو كانت كيانى

مرت سنة من الدراسة بالكلية وفوجئت بتقدير مش كبير
فطلبت منها ان لازم تلتزم اكتر بالدراسة
مش لازم نيجى الجامعة غير فى الاوقات المهمة الضرورية
او اذا حسينا اننا لازم نشوف بعض
غير كدة يبقى لازم نكون بنزاكر عشان نكون انا وهيا حاجة كبيرة
كان نفسى انها تشوفنى حاجة كبيرة تفتخر بيا
بس لاسف لما طلبت منها كدة افتكرت اننا عاوز اتهرب منها
افتكرت اننا كنت بلعب بمشاعرها كل الفترة اللى فاتت
كان كلامى ليها زاى صدمة مجرد انى خلصت كلامى لقيت سيل من الدموع بتتساقط عنيها
حاولت اقنعها ان كلامى ليها عشان نكون ناجحين ونكون احسن مش عشان اتهرب منها
لكن هيا مش صدقت
مش صدقت انها كانت بالنسبة ليا حتة منى
مش صدقت انها كانت عندى اغلى من نور عنيا
مش صدقت انها لما كانت تبعد عنى لحظة اكنها غابت عنى مية سنة
فضلت تبكى وتقولى عاوز تبعد عنى يامحمد
وانا مش عارف اقنعها بكلامى ازاى
كل دمعة كانت بتنزل من عنيها كانت زاى نار جوايا
كأن شىء جوايا بيتقطع فيا
كنت لسة عن قرارى ومش غيرتة
مش عشان انا حابب انها تتعزب
لا
انا اخترت انى مش اغير قرارى لانى بحبها
لان طول مانا كويس وناجح اكيد دة هايكون اسهل فى انى ارتبط بيها

بعد وقت قصير جدا اتقدم ليها شخص ووافقت بية
وافقت بانسان كان هو من اعز اصدقائى
كان يعرف كويس انى بحبها وهيا بتحبنى وبالرغم من كدة اتقدم ليها
الانسان دة خسر كل شىء بمجرد ارتباطة بالانسانة اللى حبتها
خسر صداقتى واحترامى لية

بعد سنتين من ارتباطهم من بعض شفتها بالصدفة بالكلية وعينى جت فى عنيها
يااااااااااااااااااااااااااااااة
ياااااااااااااااة على اللحظة دى
عمرى ماهنساها بحياتى ابدا
شفت بعنيها نظرة لايمكن تتنسى
حسيت ان عنيها بتكلمنى
بتقولى لية عملت كدة
لية سبتنى لحد غيرك
لية يامحمد انت وعدتنى
انا بحبك اوى

كان نفسى اقولها انا بحبك ولايمكن انساكى ابدا
بس انتى اختارتى وانا مش بايدى شىء اعملة
عشان كدة لازم تكونى زاى سحابة عدت عليا ولا يمكن ترجع تانى
بس لية وانا كنت بعمل كل دة عشان مين
لما اخترت نبعد شوية عن بعض دة عشان حبنا يعيش ويكبر
انا مش اخترت اهدم حبنا انا كنت عاوز اعلية واكبرة
بس بسؤ فهمك لكلامى وعدم احساسك باللى جوايا خسرتينى
ايوة خسرتينى واختارتى شىء يعذبك
كان نفسى اسالها سؤال
كان نفسى اقولها لية عملتى كدة وانتى عارفة قد اية انا بحبك
وكنت مستعد ابيع عمرى عشان نكون لبعض

حبى ليكى كان اكبر من انة يتوصف
روحى وعمرى كانو اقل هدية اقدر اقدمهالك عشان اسعدك

دى كانت اول قصة حب عشتها
ياريت لو انا اخطاءت فى قرار من قراراتى تعرفونى وتردو عليا وتقولولى
تقوليلى انا كنت صح ولا غلط ؟؟؟
وياريت الكل يستفاد من قصة حبى اللى عشتها واتالمت بيها وعشانها
بعد كدة هاحكيلكم قصة حب تانية اغرب انا عشتها
بس بعد ما اشوف ردكم على كلامى وعلى سؤالى اللى محيرنى لحد دلوقتى

قصة حب عشتها 617720

المهم انك تكون اتعلمت من قصه الحب
وربنا يارب يوفقيك بالاحسن وتكون انت بتموت فيها وهى كمان
اهم حاجه انت تحب وتتحب اوعى تكون حده من غير الحب
اهم حاجه انك تكون انت بتحب وهى كمان تكون بتحبك
الحب من طرف واحد نهايته جراح كبير اكبر من اى جراح
ربنا معاك يارب
قصة حب عشتها 695748

القلب الحزين

واللة ما يستاهلو اننا نضحى على شانهم وبعدين انتا مؤمن با الا براج كلنا ضحينا بس مش عن طريق الا براج ضحينا على شان الواقع الواقع الى كان نهايتة صدمة ولوحبيت تانى اسئل عن البرج الاول تحياتى ليك

ياريت تكون اتعلمت منها
وبالنسبة للعطار انت ردك ليه جامد اوي كده في كل المواضيع
ياريت الرد على سؤالي يكون خفيف مش جامد زي الرد المتوقع بتاعك ؟؟؟
وتقبل مروري محمد

القلب الحزين & رضا العطار & امانى
ميرسى جدا على ردودكم الجميلة
وعاوز اقول حاجة لاخ رضا العطار
انا مش ضحيت عشان خاطر الابراج
انا ضحيت باننا نشوف بعض عشان خاطر نكون لبعض
بيتهيالى لو قريت القصة كويس هاتفهم كلامى
ميرسى جدا ونورت الموضوع
تحياتى
محمد نور