اليك يامن جرحتنى وعلمتنى معنى القاسية

سورى يا جماعة انا هاكلم باللغة العامية العادية بتاعتنا عشان الكلام يكون اسهل انة يتفهم اكتر ويدخل القلب بسرعة
وكمان الكلام دة هايكون عبارة عن احاسيس انا حاسسها فبالتالى مش هايكون فى فلسفة فى كلامى
هايكون كلام واقعى وحقيقى

نبداء مع بعض الموضوع

اكيد معظمنا حب ومر بالحب
بس ياترى هل فى حد فينا من اللى انجرحوا كان عارف اية هيا نهاية قصة حبة ؟
اكيد لاء
طيب حد من اللى بيحب دلوقتى عارف اية نهاية قصة حبة
انت عارف /انتى عارفة اية نهاية قصة حبك
بيتهيالى برضوا لاء
لان لو كل حد عرف اية نهاية قصة حبة اكيد مكنش حد انجرح
انا مثلا
لما حبيت مكنتش اعرف اية نهاية قصة حبى
يمكن كان عندى تفاؤل الى حد ما
ودة عشان بحبها
اى حد بيحب بجد تلقية بيحس باحاسيس كتيرة اوى
احساس بخوف من ان حبيبة او حبيبتة مش تكون لية فى النهاية
واوقات تانية بنحس ان ممكن ربنا يوفقنا ويجمعنا مع القلب اللى بنحبة
ودى بتكون نابعة من ثقتنا فى القلب اللى بنحبة
لكن لاسف بيجى فى وقت وتلاقى الطرف الاخر او القلب التانى المكمل لقلبك بيقولك كفاية كدة
تلاقية بيهرب منك لحد مابيبعد خالص
بيكون نفسنا نقولة لاء ماتبعدش
خليك معانا احنا بنحبك اوى وهانموت من بعادك عنا
هو وقتها مش بيقدر احساسنا ولاسف بيكون خلاص قرر انة يبعد
هانعمل اية
مفيش
مفيش غير اننا نفضل نتعذب ونتألم بنبقى نفسنا نصرخ
قلبنا بتألم مش قادر يستحمل كل مابيفتكر القلب اللى بيحبة بيتعذب اكتر
تلقينا بنبدأ نهرب من نفسنا
بنحاول نضحك واحنا جوانا مجروح
طيب احنا بنضحك على مين على نفسنا ولا على مين
احنا اكيد بنضحك عشان مش عاوزين حد يشوف فى عنينا اى لحظة ألم
مش عاوزين نشوف فى عنين اللى قدمنا اى نظرة عطف
بس احنا مش بايدينا نعذب نفسنا
احنا بيكون نفسنا نفرح ونسعد القلب اللى بنحبة

هو لية القلب اللى بنحبة مش بيحس بكدة
هو لية اخد قرار الفراق دة لوحدة
هو لية محاولش يضحى
لية ماستحملش زاى ماقلبنا استحمل وبيستحمل
هو لية القلب اللى بنحبة دايما بيكون اضعف من انة يتحمل اى مسؤلية
لية بيكون اضعف من قلبنا لية

طيب لما تحس انك انت كمان مش قادر تبعد عنة وحاسس انك من غيرة مش هاتقدر تعيش
ويكون هو عارف كدة ومش حاول يقرب منك هل القلب دة يستأهل حبك
يستأهل انك تفضل تعذب نفسك عشانة
لا طبعا لانة بيكون بايدة يسعدك ويرجعلك قلبك المجروح اللى بيتألم وهو رافض
فلية نعذب بس نفسنا
لية مصممين نفضل عايشين فى عذاب
احنا نقدر ننسى القلب دة ونبعد عنة
بس لما هاننسى وهانبعد عنة يوم ما هانقابلة مرة تانية مش هانقدر نفتكرة بحاجة حلوة
لان جوانا هايكون فاكر يوم بعادة عنا هايكون فاكر يوم ما اترجناة مايبعدش عنا وهو كان رافض
وقتها هانقلة انت جاى دلوقتى تعمل اية
عاوز منى اية
انا خلاص قدرت انساك زاى ماقدرت تنسانى
راجع تانى لية
راجع عاوز منى اية
راجع تفكرنى بجرحك
ولا راجع تجرحنى من جديد
ياريت تخليك بعيد كفاية الجراح اللى سبتهالى ومشيت
انت كنت سبب ان قلبى يموت

مش حرام عليك تجرحنى وانت بايدك تسعدنى
مش حرام تقتل قلبى وانت بايدك تحيية
مش حرام تعذب القلب اللى حبك
انت اية مش بشر
انت لية قاسى كدة
جبت القسوة دى كلها منين
دانا كنت بحب قلبك وبعشقة
لية تجرحنى بالشكل دة

مش فاكر ليك حاجة تحنن قلبى عليك
مش فاكر ليك غير انك بعتنى يوم بايدك
جرحك وعذابك ليا وبعدك عنى زمان
كل دة بيأثر وبيقسينى كمان

شفت قد اية انا موجوع من جرحك
انت لية ماكنتش حاسس قلبى وحاسس جرحى؟؟؟؟؟؟؟؟؟؟؟
لية هان عليك قلبى
وهان عليك حبى

باين كدة ان مكتوب عليا اضحك يومين وابكى سنة
وانى افضل عايش محروم من الفرح ومن الهنا
انا اصلا دايما عايش مجروح فاكيد هافضل طول عمرى مجروح
هاعيش مجروح واموت مجروح
من غير ماحد يحسنى

اللى اديتة عمرى واللى اشتراة قلبى هو فين
لية مكنش جمبى

انا نفسى اعيش لوحدى
نفسى اكون مع نفسى
مش عاوز انى انجرح تانى واعيش فى جراح من جديد
كفاية اللى حصلى وحسيت بية
دا اللى حسيت بية دة لو حاسة جبل كان اتهد
فازاى بشر زاى يقدر يستحمل كل دة
ان تعبت وانكسرت
ياريت ياللى جرحتنى ماتفرحش كتير
لان هايجيلك يوم وهاتنكسر وهاتنجرح زاى ماجرحتنى
انا متاكد ان بكرة هاتندم على قلبى اللى حبك
هاتندم علية وتقول لية ضايعتة منى
بس لاسف مش هاتلاقى منى الرجوع لان قلبى اتعذب اوى ومش هايقدر يسامحك

انا اسف على كلامى
غصب عنى