نـــور طرب
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

نـــور طرب



 
الرئيسيةالبوابة*مكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اسئله محيره عاوزه اجابه؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دمعه حزينه
مشرفة
مشرفة
avatar

انثى
عدد الرسائل : 169
العمر : 31
تاريخ التسجيل : 02/05/2008

مُساهمةموضوع: اسئله محيره عاوزه اجابه؟   الإثنين يونيو 23, 2008 4:23 pm

اردت اليوم أن أطرح عليكم مجموعة من الأسئلة المحيرة بالنسبة لى و أعتقد أن الكثير منكم تحيره أيضا تلك الأسئلة فأرجو أن يعطى كل واحد رأيه للأستفاده من جميع الأراء

السؤال الأول
أذا أضطررت يوم الى الأبتعاد عن شخص لا تريد الأبتعاد عنه دون حتى أن تببر له السبب من ذلك فماذاتتوقع أن تكون ردت فعله هل سوف يبتعد؟ ام ماذا سوف يكون موقفه ؟



السؤال الثانى
هل الحب بداية أبتسامة أم مقدمة دمعة ؟

السؤال الثالث
هل صحيح أن أحلى ما فى الحب عذابه ؟

السؤال الرابع
هل الحب شك و ثقة أم راحة وتعب ؟

السؤال الخامس
الى أى مدى يمكن كتمان الحب فى القلب ؟

السؤال السادس
هل يوجد فى هذا الزمن من يخاف الحب ؟

السؤال السابع
ماذا يعنى الحب بالنسبة لك ؟

السؤال الثامن
أيهما يحب أولا العين و لا الأذن ؟

السؤال التاسع
هل الحب أنتصار للقلب أم هزيمة العقل ؟

السؤال العاشر
متى يمكن أن تكذب مشاعر من يحبك ؟



اتمنى أن تفيدونى بأرائكم لكى يستفيد الجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أنين الأيام



ذكر
عدد الرسائل : 26
العمر : 31
تاريخ التسجيل : 19/06/2008

مُساهمةموضوع: رد: اسئله محيره عاوزه اجابه؟   الأربعاء يونيو 25, 2008 10:03 am

أولا الموضوع جميل أوى وبيطلع اجابات جوانا محتاجين فعلا نعرضها ونتصارح بيها...

السؤال الأول؟؟
- أولا قرار الابتعاد مش هيكون سهل اكيد وهيكون اخر حل موجود من غير خيارات تانية ولازم اعمل كل اللى عليا عشان احافظ على الحب ده..ومسألة رد الفعل دى ترجع للحد اللى بحبه هل بيحبنى بجد ولا أنا مش فارق معاه...هل هيتمسك بيا للابد ولا تمسكه بيا هيكون لفترة صغيرة يفقد بعديها الأمل من غير مجهود أو قتال....ممكن ابعد عن الحد ده وميعرفش اى طريق ليا بس اكيد بحكم عليه كده بأقسى الأحكام..أنا شايف ان الموضوع لازم يتناقش بالهدوء والتدريج....

السؤال التانى؟؟
- الحب بداية ابتسامة ومقدمة دمعة فى نفس الوقت..السعادة والحزن مرتبطبن بالحب زى التوأم يعنى نقدر نقول ثلاث توائم ملتصقة...زى ما الحب بيطلعنا بفرحة غامرة لأعلى مكان ممكن فى لحظة يعيشنا حزن صعب يوقف حياتنا الطبيعية..دى طبيعة الحب مرتبط دايما بالفرح والألم...

السؤال التالت؟؟
- احتمال يكون بس فى موقف واحد اننا نحسه بالحلاوة دى بعد ما اتعذبنا ووصلنا لحل لعلاقة الحب...يعنى الحب بعد فترة ألم أو فراق ساعتها فعلا بنحس بجمال الحب وبننسى كل الاحزان ...

السؤال الرابع؟؟
- الحب الاربعة مع بعض...خط بيكونه الالاف من النقط فيها الشك بمقدار صغير مناسب يحافظ على الارتباط من غير ما يدمره وثقة كبيرة غير عمياء تحلى العلاقة وتجعلها سلسة مستمرة...فيه الراحة فى فترات الرخاء والاتفاق وفيه التعب فترات الفراق والأزمات.....

السؤال الخامس؟؟
- الى أقصى ما يمكن تخيله !!!!....وتختلف طبيعيا من شخصية انسان لأخر ممكن حد يكون متسرع وميقدرش يكتم حبه وتانى يتأخر اكتر من اللازم واخر ميقولش خالص ...الجميل اننا نختار اللحظة المناسبة اللى متوقعين فيها رد الفعل من الطرف الاخر يكون نفس مشاعرنا....

السؤال السادس؟؟
- بوجود الناس توجد المشاعر...والخوف شعور خلقت مع الانسان وتتلازم معه حتى الموت والخوف من الحب طبيعة خوف زيها زى أى خوف ..ممكن تلاقى حد خايف من الحب من غير ما يعيش التجربة ألا أو يعيش عذابها - خايف من الحب بالفطرة - ومن الكلام اللى بيسمعه عنه وتوصل لدرجة غريبة انه يقدر يتحكم فى عواطفه لحد بعيد...فى ناس تانية تخاف من الحب بعد كذا تجربة فاشلة سببتله ألم وعقد ملهاش اخر

السؤال السابع؟؟
- الحب بالنسبة ليا حياة مستقرة سعيدة متوافقة ...حياة جميلة بنحاول نحققها ونعيش عشانها..الحب عندى من الألويات التى تحتفظ بمكانها دون تغيير فى الخطة أو المنزلة..الحبيب هو كل حياتى أضحى عشانه بكل ما اقدر ودايما فى قلبى للابد....

السؤال التامن؟؟
- الاجابة نسبية...الحب من أول نظرة بالطبع حب بالعين وحب فعلا جميل وموجود كتير وبيعيش برده كتير...التحول من الصداقة للحب ده نقدر نقول حب -الأذن- بعد ما عرفت اللى قدامك وبتسمعه دايما وحبيت شخصيته وأخلاقه...بس من رأيي الحب الاجمل من كل ده هوا حب الروح والقلب وجميع الجوارح....

السؤال التاسع؟؟
- الحب الموفق انتصار للقلب والعقل معا....انتى حبيتيه بقلبك وأثبت القلب انه اختار صح ساعتها يكون انتصار القلب انتصار العقل لأنه الاتنين فى جانب واحد بيحاربو مع بعض عشان يحافظو على الارتباط من الانهيار....اكيد فى بعض الوقت تغلب عواطفنا ومشاعرنا عزمنا ومبدأنا ويقف القلب قدام كل الظروف وحتى العقل...

السؤال العاشر؟؟
- المشاعر مش بتتقال بالكلام وتتصدق بسذاجة....المشاعر بتتحس فى مواقف وتصرفات وبتبان وقت الشدة والأزمة ..والانشان بطبيعته بيحس بكده وبيكتشف اذا كانت مشاعر اللى قدامه صادقة أو لأ ومهما طالت الايام وحاول حد يثبت حبه المزيف لينا هتيجى اللحظة اللى يقع فيها وتبان الحقيقة..التعامل مع اللى بحبه وصارحنى بمشاعره اكيد بحسن نية واذا اكتشفت الدليل اللى يثبت عكس كده اكيد هتكون اللحظة دى لحظة تكذيب مشاعره المزيفة......

شكرا لموضوعك الجميل دمعة حزينة...تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعه حزينه
مشرفة
مشرفة
avatar

انثى
عدد الرسائل : 169
العمر : 31
تاريخ التسجيل : 02/05/2008

مُساهمةموضوع: رد: اسئله محيره عاوزه اجابه؟   الأربعاء يونيو 25, 2008 9:34 pm

بشكرك اوى ياانين على ردودك الجميله المقنعه اوى
وليك تحيه خاصه منى ليك على ردودك الجميله اوى اهداء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد نور
مشرف احساس العام
مشرف احساس العام
avatar

ذكر
عدد الرسائل : 1736
العمر : 31
الموقع : http://nourtarab.hooxs.com
الاوسمة :
تاريخ التسجيل : 02/05/2008

مُساهمةموضوع: رد: اسئله محيره عاوزه اجابه؟   الخميس يونيو 26, 2008 2:09 pm

اول شىء احب اشكرك دمعة حزينة على موضوعك الرائع
واسمحي لى ان اجب على موضوعك بطريقتى البسطة
1_ السؤال دة يادمعة حزينة تقريبا مر عليا بحياتى فعشان كدة هاتكون الاجابة علية صادقة جدا
هو فعلا حصلى كدة وحاولت ابعد عشان لقيت جواها حب كبير اوى من ناحيتى وانا مكنتش شايف فيها غير اخت جميلة اوى وطيبة الى ابعد الحدود
الانسانة دى ردت فعلها انها حاولت تبعد فعلا
ودة كان شىء كان شىء طبيعى بعد ماحست انى بحبها كأخت
كنت زعلان انى خسرت اخت طيبة وجميلة
بس كان لازم تبعد عشان تنسى
لاسف مش قدرت تبعد لفترة طويلة اوى
كان دايما بتحاول تطمن عليا
وجواها بيتعذب
كان نفسها انى احسها اوى
بس لاسف يادمعة حزينة
انا وقتها كنت لسة مجروح وخايف لما اقرب منها انجرح اكتر
لما سالتها انا عملت حاجة زعلتك قلتلى لا
انت عمرك مازعلتنى بس انا السبب
انا اللى عملت فى نفسى كدة لانى حبيتك اوى
فى الوقت دة صعبت عليا اوى لدرجة انى كنت هاقولها انا بحبك اوى
بس لو كنت عملت كدة كنت ظلمتها
فقررت الصمت افضل من انى اتكلم
هيا بعدت عنى الان نهائيا لانها الان ارتبط بانسان جميل اوى ان شاء يسعدها
اخر مرة كلمتها قلتلى هافضل فكراك لاخر يوم فى عمرى
مش هاقدر انساك مهما حصل
بس انت خليك فاكر ان ليك اخت بتحبك اوى ودايما فكراك
ربنا يسعدها ويوفقها ان شاء الله
2_ السؤال دة صعب اوى يادمعة حزينة
ان شاء الله اقدر اجاوبك علية
الحب اكيد بدايتة سعادة بلاحدود
بداية الا نهاية
الحب كلمة جميلة
وبنفس الوقت تعبير رقيق اوى
فالدموع اكبر شىء تغير مفهوم الحب
الحب هايكون لة معنى تانى غير معناة اللى احنا عرفينة وحاسين بية
3_ فعلا يادمعة حزينة
احلى مافى الحب عذابة
بس خلى بالك ان عذاب الحب هو انك تكونى عاوزة الانسان اللى بتحبية جمبك بس هو غصب عنة بعيد عنك
نفسك تحسية جمبك
عوزاة قريب منك
بتتعذبى لبعادك عنة
بس صدقينى قلبك بيفرح لما بتشوفية بعد كدة قدامك
بتنسى العذاب وبيروح الالم
بتحسى قلبك فرحان وسعيد
وحاسة ان كل الدنيا سعيدة وفرحانة زاي مانتى فرحانة
ما اجمل العذاب حينما يكون لانتظار لقاء الحبيب
4_ الحب ثقة متابدلة بين الطرفين
لو تواجد الشك فى احد اطرافة
فسدت اجمل علاقة فى الدنيا
اسف فى التعبير
بس الشك لابد ان هو يكون خالى من مفهوم الحب
لو كل حد قال مفهوم الحب من وجة نظرة
اكيد مش هانلاقى لكلمة الشك دى وجود فى مفهومنا
وعلى فكرة يادمعة حزينة سؤالك دة فى متناقضات
لان عمر ماييكون الحب ثقة وشك او راحة وتعب
وعاوز اقولك حاجة مهمة جدا
لو الحب تعب فبيكون التعب دة مننا احنا
يعنى احنا اللى عاوزين نتعب نفسنا بنفسنا
لان اللى بيحبك عمرة ماهيفكر ان هو يعذب او يتعب قلب حابة
بالعكس
بيكون خايف علية اوى ونفسة يسعدة حتى لو كان هايموت الف مرة
اهم شىء يشوف الانسانة اللى بيحبها سعيدة
يعنى الحب ثقة وراحة مش شك وتعب
5_ السؤال دة فعلا مهم جدا
اوقات كتير بنحس اننا حبينا بجد بس مش عارفين اللى احنا حبناة دة جواة نفس المشاعر والاحاسيس اللى جوانا من ناحيتة ولا لاء
فدة بيكون قمة العذاب
بالزات لو فضلنا ساكتين ومش صارحنا اللى بنحبة باللى جوانا
عشان كدة انا عاوز اقول لاى بنت بتحب وكاتمة جواها ومش قادة تصارح حبيبها
لازم تقربى منة اوى عشان يحسك
حساسية انك خايفة علية
لو بيحبك بجد هايقرب منك اكتر ويقولك بحبك اوى
وحشتينى يالغالى من عمرى
اهم شىء مش تفضلى كاتمة جواكى وتعذبى فى نفسك
لان ممكن برضوا بسكوتك دة تضيعية منك
6_ نعم
فية فى الزمن دة من يخاف الحب
انا
انا اللى انجرحت كتير واتألمت كتيرررررررر اوى ودة من كل حد حبيتة بجد
دايما بخرج مجروح موجوع كل مرة احب فيها
عشان كدة بقول
الحب اجمل شىء نعيش لية بس جرحة اسهل اننا نموت ولانحس بية
خايف احب تانى
حاسس انى لو انجرحت تانى ممكن اموت
كفاية الجراح اللى جواكى
ياريت اتعلم من اللى فات
7_ الحب كان يعتبر هو اجمل شىء بحياتى احب احافظ علية
كان هو الامل والدافع ليا انى اكون ناجح
كنت دايما احس انى زهرة ببستان والمية اللى دايما بتروينى وبتخلينى اعيش كانت هيا بالنسالى الحب
يعنى لو مش ارتويت بالحب كان هايكون نهايتى الموت
اما الان بعد ما انجرحت ودقت مرارة الألم والجراح
اصبح الحب شىء كمالى بحياتى مش اساسى
فمش تلاقينى بحاول ابحث عنة وادور علية
ولا حتى بنتظرة يجى
سايب كل دة للقدر
يمكن يجى يوم الاقى قلب يجبنى بجد ويخاف عليا
8_ انا من وجة نظرى ان القلب هو مركز الاحساس
لان ممكن الانسان يحب حد من غير مايشوفة
يحب فية شخصيتة
يحب فية طبعاة
يحب فية طريقة كلامة
يحب فية طريقة تفكيرة
لدرجة ان ممكن يحس ان هو بقى حتة منة
بس اكيد لما بيشوفة ويبص فى عنية
هايعرف من عنية اذا كان بيحبة بجد ولا لاء
لانى بعتبر ان العين اقرب مكان للقلب
بتشوفى فى عنية قد اية بيحبك
وتقدرى تعرفى هو عاوز يقول اية من غير مايتكلم
لان عنية قالت كل اللى جواة وعاوز يقولة
9_ الحب هو انتصار للقلب والعقل معا
لو حب حقيقى صدقينى مش بيكون فية خسارة للعقل
لان زاى ماقلبك بيحبة وبيخاف علية
اكيد عقلك دايما يفكر فية
10_ متى يمكن ان اكذب مشاعر من يحبنى ؟
لو لقيت ان هيا خارجة من قصة حب ومجروحة وعشان تنسى الجرح وحبها القديم
بتحاول تقرب من اى حد وتوهم نفسها انها بتحبة
اكيد هاوجها واعرفها انها مش بتحبنى
هيا بتحاول تنسى جرحها وحبها القديم بس لاسف بطريقة غلط
لانها بكدة بتفكر تجرح قلب برىء وبنفس الوقت بتجرح نفسها
اما اذا كنت حبتها من غير ما اعرف انها خارجة من قصة حب وانجرحت
او اذا كانت اصلا بتفكر تلعب بمشاعرى من البداية
فاكيد عنيها هاتكشفها
وقلبى هايقولى
ومن تصرفاتها هايبان عليها

بجد اسالة جميلة جدا ومهمة جدا جدا
ميرسى دمعة حزينة على موضوعك الجميل
واتمنى من كل الاعضاء والمشرفين
ان هم يجاوبوا على الاسئلة دى

محمد نور

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nourtarab.hooxs.com
امير جبال الاحزان
كبير المشرفين
كبير المشرفين
avatar

ذكر
عدد الرسائل : 384
العمر : 28
الاوسمة :
تاريخ التسجيل : 12/05/2008

مُساهمةموضوع: رد: اسئله محيره عاوزه اجابه؟   الجمعة يونيو 27, 2008 10:55 pm

السؤال الاول
الى انا عاوز ابعد عنه من غير سبب لو هو بيحبى كصديق اكيد مش هيسبنى الا لما يعرف ايه السبب ويحاول يصلح الى هو عمله لو كان هو السبب
انما لو كان صاحب عادى مش يهمه انا او غيرى ممكن انه يبعد بكل سهوله ولا يعمل اى حاجه


السؤال التانى
الحب اكيد بدايته ابتسامه مش دمعه
تصورى معايا كده اتنين قابلو بعض و فى عنيهم دموع لايمكن طبعا يكون فى اى حاجه من التقابل الروحى بينهم


السؤال التالت
مش فى كل الاوقات يكون الجميل فى الحب عذابه
ساعات او فى بعض الاوقات بيكون الحب انت تحس بيه من خلال المشاعر الجميله الى جواكى او هو
انما عذاب وكده من وجهة نظرى لالالالالالالالالا


السؤال الرابع
هو ممكن يكون الاربعه مع بعض بس من راى
انه ثقه انما الشك فهو مستبعد تماما من معنى الحب


السؤال الخامس
ده طبعا بيكون على حسب شخصيه الانسان الى بيحب
يعنى ممكن شخص شخصيته قويه ممكن انه يكتم حبه للطرف التانى لفتره طويله
وفى اشخاص تانيه مش تقدر تكتم الحب ده الا لفتره محدوده وبعدها بيحس انه فى حاجه لازم يعملها
وميقدرش يكتم مده طويله


السؤال السادس
اكيد طبعا فى ناااااااااااس كتير بتخاف من الحب ده
اذا كان عليا انا مش مقتنع بالحب ده
نفترض انك حبيتى مره وفشل الحب ده وجيتى حبيتى تانى وتالت ورابع
ده ميبقاش اسمه حب
يبقى اسمه سد فراغ


السؤال السابع
الحب بالنسبه ليا ولا حاجه
لانه زى ما بييجى زى ما بيروح
يعنى مش دائم
ايه فايدته انك بيتحبى واحد وبعدين القصه الى انتى معيشه نفسك فيها طلعت وهم فى الاخر انتى هتزعلى اوى
او زى الحبيبه بيقولو عليه جرح
بوس الواوا هههههههههههههههههه
متزعليش منى فى الكلمتين دول


السؤال الثامن
اكيد طبعا الى بيحب هو العين لان العين هى اقرب شىء للقلب
انما الاذن فالا لانها على راى واحده صاحبتى بتسمع كلام حلو كتيييييييييييييييير
وعلى راى المثل الى بعيد عن العين بعيد عن القلب
من المثل ده الاجابه تكون واضحه


السؤال التاسع
الحب هو انتصار للقلب من ناحيه لانه بيسد فراغ الحب الى بيكون موجود فى القلب وسد احتياج القلب للحب
ويكون انتصار للقلب برضو اذا ربنا وفق بين الى بيحبو بعض
ومن ناحيه تانيه هو هزيمه للعقل
لالالالالالالا تعليق


السؤال العاشر والاخير
اكذبها اما اتاكد الاول منها
بطريق عمل اختبارات للى انتى بتحبيه واكيد كلنا عارفين الاختبارات دى بتتعمل ازاى
كل واحد بطريقته بالاضافه لذلك انا بضم صوتى لصوت محمد نور


اتمنالك كل التوفيق والتقدم
وده موضوع جميل
وانتظرونى قريب جدااااااااااا
فى موضوع عن الصداقه وعن الصديق الى مش صديق
scorpion
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nourtarab.hooxs.com
دمعه حزينه
مشرفة
مشرفة
avatar

انثى
عدد الرسائل : 169
العمر : 31
تاريخ التسجيل : 02/05/2008

مُساهمةموضوع: رد: اسئله محيره عاوزه اجابه؟   السبت يونيو 28, 2008 11:39 am

ميرسى لردك اوى يامحمد بس عاوزه اقلك
ان الى بيتجرح لازم يتعلم من الى جرحوا عشان لما يختار يختار صح

وشكرااااااا ااااااوى يا
scorpion
على ردوك بس انا مع محمد ان القلب بيحب قبل العين والعقل
وشكراااا اااااااااااوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noga
مؤهلة لاشراف
مؤهلة لاشراف
avatar

انثى
عدد الرسائل : 25
العمر : 32
الاوسمة :
تاريخ التسجيل : 29/10/2008

مُساهمةموضوع: رد: اسئله محيره عاوزه اجابه؟   السبت نوفمبر 01, 2008 4:27 pm

السؤال الاول:
دا متوقف على شخصيه الشخص دا بمعنى انه لو فعلا بيحب بجد هكون دى اصعب لحظات حياته
اما لوما كنش بيحب هكون بالنسبه له عادى.
السؤال التانى :
الحب فعلا بدايته ابتسامه لانك بمنتهى البساطه وجدتى انسان يحبك ويبقى كل هدفه فى الحياه هو اسعادك وبدايه نهيايته فى اغلب الاحيان دمعه
لكن النهايه الحقيقه فرحه لانه بقى مشروع ارتباط رسمى.
السؤال الثالث:
فعلا احلى ما فى الحب غذابه
وزى ما قولتلك قبل كده ان نهايته الحقيقه غالبا بتكون فرحه.
السؤال الرابع:
الحب ثقه و راحه وتعب بس مش ممكن يكون شك الا فى حاله واحده بس
ان الشك يكون دافع قوى الثقه فيما بعد.
السؤال الخامس:
لو كان هو بيحبك بجد مش هكون فتره طويله لان عنيكى دايما بتقوله على كل حاجه.
السؤال السادس:
هومش خوف بمعناه المعروف بس هو حرص قلبه ومشاعره من الاختلاط بحد ما يقدرش حبه ومشاعره
ودا بيكون شعور الناس الى اول مره تحب.
السؤال السابع:
الحب بالنسبه ليا هو اسمى معانى الوجود هو الحياه نفسها
لان حياه من غير حب مش حياه.
السؤال الثامن:
الاتنين بيحبوا العين تشوف كل ما هو جميل فى الحبيب
والاذن بتعشق كل الكلام الجميل من الحبيب طبعا .
السؤال التاسع:
الحب انتصار للقلب والعقل
لان الحب بمشاعر القلب ومن غير تفكير القلب بيكون حب مؤقته ونهايته صعبه للى حب بجد
اما الحب بمشاعر القلب وتفكير العقل بيكون مشروع ارتباط ناجح للطرفين
لانه بيكون حب ابدى.
السؤال العاشر:
المشاعر مستحيل ان تكدب فى الحب
لان الحب من غير مشاعر صادقه مش حب .
فى النهايه انا بجد بحسدك على الموضوع الجميل دا
واتمنى لكى التوفيق

noga
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اسئله محيره عاوزه اجابه؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نـــور طرب :: كافى نـــور طرب :: منتدى فضفضة-
انتقل الى: