يلا نضحك بجد

خمس فروق بين البطة والوزة
1- تقدر تحلق شعرك زلبطة لكن ماتقدرش تحلقة زلوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها


مره نكته ماشية بتعيط ليه؟؟ عشان واحد ضحك عليها


غبي دافن نصه في الارض ليه ؟ بيصور فيديوكليب انا عايش ومش عايش



س: ما الفرق بين الكمبيوتر و الاتوبيس و الحفرة ؟ ج:الكمبيوتر .. حاسب آلى والاتوبيس .. حاسب يا اسطى والحفرة .. حاسب لاتقع


عايزين ندخل فيل جوة الكباية نعمل ايه؟ نحط ورقة علي الكباية وبعدين نحط الفيل علي الورقة وبعدين نيجي بشويش ونشد الورقة بسرعة الفيل يقع جوة الكباية


لية بلديتنا بيلبس تي شيرت علية قطة ؟عشان الفار ميلعبش في عبة



مرة واحد طويل جدا شرب لبن مات ليه؟ لان اللبن صلاحيته انتهت قبل ما ينزل بطنه

مرة واحد راح يشترى ساعة لقاها غالية اشترى 5 دقايق

واحد تاية بيسال واحد ماشي في الشارع اقرب طريق للمستشفي ايه قاله
غمض عينك و عدي الشارع


كان فيه سفينه طالعه في البحر وكانت مليانه بنات وبعدين السفينة عطات
وكل اللى فيها غرقوا ما عدا واحده عارفين ليه ما غرقتش ؟ علشان كان اسمها بطه


جماعه مساطيل عملوا اتوبيس بيمشي بالعرض لييييه؟ عشان كلهم يركبوا قدام


مرة واحد كل ما يشوف البرق يضحك ليه ؟ عشان يطلع حلو فى الصورة


مره واحد ابنه طلع من الأوائل عمل ايه ؟؟؟؟ شفروه


واحد جـزار ضرب بنته علقة سخنة جدا .. ليه ؟؟؟ ضبــــطها مــاشيـــة مــع عجــــل


واحد بلدياتىواقف قدامه خمس شياطين ليه ....؟؟؟ واحد يوسوسله واربعه يفهموه

احلى شي في الدنيا انك تضحك ودايما تكون مبتسم
موضوع الضحك حلو اوى وبيزيح الهم عن الناس بجد وانا من كتر ما ضحكت صؤرت مش عارفة اكتب
بس بجد حلو كتير انك ترسم الابتسامة على وجوه الناس وانا كنت مهمومة وجالة حيرانة فدخلت المنتدى اطلع على شي جديد وجدت موضوع فرفشة ودخلت على يلا نضحك بجد وفعلا ضحكت بجد واكتر شي على اربع شياطين واقفين قدام واحد واحد بيوسوسله والاربعة الباقين بيفهموه
يبقى على هيك راح ييجى يوم القيامة والشياطين يدخلو النار وهو لسى مش فاهم
الى الامام بالتوفيق ناااااااااااااااااااااادين

مرسي نادين على مرورك في التوبيك انتي وطمطومة بجد نورتوا وربنا يسعد ايامكوا ياااااارب