النكت دي قديمة بس حلوه

- واحد موظف حكومي تعبان ماشي مع واحده صاحبه تعبان زيه برضوا : وعمال
يشتكي لصاحبه من العيش والعيشة واللي عايشينها وإزاي إن اللحمة غليت
والمواصلات غليت والعيش غلي .. فمعديين جنب مدرسة فسمعوا الأستاذ بيسأل
ولد وبيقول له : 7 * 7 بكام يا ولد ؟ فالواد قاله : بـ 60 يا استاذ ..
فقال له صح أقعد .. راح الموظف الكحيتي قال لصاحبه : إتفضل يا عم أهي ده
لسه لحد إمبارح كانت بـ 49 مش قولت لك الدُنيا ولعت .
-------

- واحد بلدياتي برضوا من نفس العينة اللي فوق دي .. إبنه نجح في الإعدادية
فراح إشترى له كوره وقال له : إتفضل يا عم أدي هدي نجاحك أهي... ولو
إتجدعنت السنة الجاية هانفخهالك .

- بيسألوا واحد بلدياتي قريب الناس اللي فوق دول وبيقولوا له : لو الدنيا
كانت برد لدرجة التجمد وإنت قاعد في البيت جنب الدفاية تعمل إيه . قال له
بسيطة أقرب من الدفاية .. فسأله طب لو نزلت تلج بقى وبقت تحت الصفر ؟ :
قال له ألزق في الدفاية .. فسأله : طب لو خلاص بقى حسيت إن جسمك بقى زي
الفرخة المُجمدة تعمل إيه ؟ قال له ما بدهاش بقى .. فطالما هاموت هاروح
قايم ومشغل الدفاية ...

جرايد ابوه مات مشى فى الجنازة ة يقول اقرا الفاتحة .

كمساري أبوة مات ماشى في الجنازة يقول يا حضرات الجنازة فاضية قدام

مره واحد بلد ( بكسر الباء) مد ايدة في مية النار اختفت مد راسه يدور عليها

جماعة مساطيل بيتفرجوا على الاخبار .... فنشرة الاخبار طولت فراح الاولانى
قال للتانى :هى ليه نشرة الاخبار طولت النهارد كدة؟
فراح التانى رد علية وقال معلش اصل شكلها كدة النهاردة اخر حلقة

مرة حلاق و ابنه بيتفرجوا على متش كورة فقال المذيع : وشطها بمشط
رجله وجت فى المقص فقال ابن الحلاق : بابا دول بيلعبوا فى العدة

مرة واحد عجلاتى قعد على قهوة طلب كاوتشينو

إتنين سكرانين واحد بيقول للتاني ليه القطر(القطار) مهم قاله عشان تحتيه خطين

مره واحد عمله ايمل دوت كوم للشتاء ونص كوم للصيف

زوجه خوافه قوي كل يوم وهيه نايمة جنب جوزها تقول له :الحق يا عبده أنا سامعه صوت... في حرامى فى البيت
جوزها تعب قوي مش عارف ينام وكل يوم على كده قام قلها: ياستى ماتخافيش الحرامى لما بيروح يسرق ما بيعملش صوت.
تاني يوم صحته من النوم: الحق يا عبده أنا مش سامعه صوت...
**********************

في 2 نعسانين جو يناموا واحد تغطى( ببطا) نيه..والثاني تغطى (ببطه) مشويه ..هاها هاها

**************************
فزوره:
ليه الفار بيمشى جنب الحيط؟؟ الاجابه تحت خالص
************************
سكران رجع للبيت متأخر فتحت له أخته اداها كفين وقال: ماشاء الله ما شاء الله لسه جايه ياختى ؟؟
*************************
حمار أتقدم يخطب حمارة أبوها رفسه .
***********************
- فيه ذبابه دخلت غرفه شباب محششين واخر الليل قاموا الشباب يحششون وسدو
الباب انحشرت الذبابه وقالت اجلس لحد لما يفتحوا الباب وبعد ما شفطوا ست
سجاير نزلت عليهم الذبابه ................ تقول.................... اوعى
الصقر.
**********************
ثلاثة أخوات نايمين في اوضه ومشغلين المروحة عـلي رقـم خـمسة دخل أبوهـم بالعـصايه وقال :
يا كلاب...انتو ثلاثة والمروحة على خمسة !!!!
*********************

الاجابه
هو حر

واحد مسطول ماشى فى الشارع لقى عمود نور مكتوب عليه شقة للايجار راح قعد
يخبط على العمود لغاية لما جاله مسطول تانى قال له انت بتعمل ايه هنا قال
له اصلى لقيت مكتوب شقة للايجار قمت قعدت اخبط بس محدش رد علىّ قام التانى
قال له غريبة مع ان الجماعة منورين النور فوق

واحد غبى بيحلق دقنه التليفون رن ، عور نفسه عشان لما يرجع يعرف هو وقف لحد فين

واحد بيسال صاحبه هو ايه الفرق بين تجارة الحشيش وتجارة عين شمس ؟ قام
صاحبه قال تجارة عين شمس 4 سنين انما تجارة الحشيش اقلها 25 سنة.

مسطول مزور ورقة بنكنوت انما 10/10 مع ذلك مسكوه ياترى ليه ؟ عشان كان مزور ورقة بستين جنيه

في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة

تلميذ لزميله : هل الهند بعيدة ؟ الزميل : لا .. لا أظن ذلك .. ففي صفنا تلميذ هندي يأتي إلى المدرسة كل صباح على دراجته

واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده

جماعة محششين قاعدين في خيمة قالوا عايزين كبريت واحد منهم قال أنا
اجيبلكم الكبريت طلع ودخل من الباب الثاني قال شباب ألاقى عندكم كبريت
قالوله استريح لسه باعتين واحد أول ما يرجع نديلك .

واحد بخيل ضرب عياله؟ ليــه ..؟
لقاهم مشغلين المروحة على ثلاثة وهم اثنيين

اثنين مساطيل واحد قال تصدق بالي مشغول ،
قاله الثاني أكيد السماعه مرفوعه

ثلاثة فشارين راحوا فى للغابة علشان يصطادوا الأول قال هاصطاد أرنبين
والثانى قال هاصطاد غزالين والثالث حب يوسعها وقال هاصطاد نمرين وراح كل
واحد على اساس يصطاد اللى قال عليه الأول اصطاد الأرنبين والثانى الغزالين
ولما جه الدور على الثالث شاف نمر وباين عليه جعان قام النمر جرى وراه وهو
بيجرى عدا علي اصحابه قالهم امسكوه على بال ما اجيبلكوم الثانى ..

واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

واحد بخيل قال لابنه : إنجح السنة دي وانا أجبلك كورة .. الولد شد حيله
ونجح .. أبوه إشترى له كورة .. وقال له : طب لو نجحت السنة الجاية أنفخها
لك

واحد مسطول كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟

. اثنين محششين قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد هما جايين علينا .

ثلاثه صقور اتراهنوا على الصيد
راح الاول ورجع في منقاره دم قليل قال شفتو الشجره اللى هناك دى؟ قالوا أيوه قال اصطادت عندها أرنب
راح الثاني ورجع في منقاره دم كثير قال شفتو الصخره اللى هناك دى قالوا أيوه قال اصطادت عندها غزال
راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش

ندل ابوه طرده اول ما خرج كتب على سور البيت
هنا مقر قيادة حركة طالبان

محشش بيسوق عربية ومعاه أبوه ، أبوه قاله : لف يمين .. المحشش قاله لف انت انا سايق
للإشتراك فى الجروب

حكمة المحشش : العلم نور, والنور كهرباء , والكهرباء خطره . .... يبقى نتعلم ليييييييييييييييييييييه؟

قزم راح للترزى علشان يفصل جلابية وبعد ما أخذ الترزى مقاساته قاله القزم إمتى تخلص قاله الترزى خدلك لفه وتعال

واحد ماعندوش غير ضرسين قدم على وظيفه عينوه خرامه

واحد على فراش الموت قال لمراته إذا مت اتجوزى جارنا محمود قالت ليه قال لأنه مره باعلي بضاعة وغشني فيها....

واحدة اديت صاحبها بغبغاء هدية ثاني يوم سألته عن الببغاء؟؟؟ قالها عادي طعمه زى طعم الفراخ.

في واحد راح يغير أنبوبة بوتاجاز قال لامه ادعيلي قالته انشاله تنفتح فى وشك.

محشش راح للدكتور قاله الدكتور اعمل إشاعه طلع برة الأوضة وقال وهو بيزعق الدكتور ماااااااااااااات

زوجة صحيت من النوم في نص الليل، مالقيتش جوزها في الأوضة
خرجت تدور عليه لقيته في الصالة واقف قدام النتيجة الي ع الحيطة ببص في التاريخ وبيعيط
بتقول له مالك يا حبيبي فيه ايه ؟
قال لها فاكرة من خمسة وعشرين سنة لما باباكي اكتشف اللي بينا وقال لي لو ما اتجوزتهاش دلوقتي انا حادخلك السجن تاخد تأبيدة ؟؟
قالت له طبعا فاكرة ودي حاجة تتنسي ؟
قا لها وهو بيعيط أهو لو كنت اتسجنت، كان زماني اخدت افراج النهاردة

--------------------------
بيقولك مرة فار ماشى مع خطيبته فى الغابة وفجاة لاقى الاسد
فحب يعمل راجل قدام خطيبته فراح للاسد قاله: انت يا حيوان
الاسد رد قاله: انت بتشتمنى انا ؟؟
رد الفار وقاله: ايوة بقلك انت
و مشى الفار وراح وصل خطيبته لبيتها
وهو راجع قابله الاسد قالوا : انت كنت بتشتمنى انا يا فار؟؟
قالوا: لا والله دا انت ملك الغابة هو حد يقدر يشتمك؟؟
أنا بس كنت بعمل شويتين كدا قدام البت .. انا اسف وهات راسك ابوسها
طلع الفار على راسوا عشان يبوسها فلقى خطيبتوا معديه
فقال للاسد: ادوس على دماغ امك دلوقتى؟؟؟

--------------------------
فصل كله حولان بعيد عنكم
و كل واحد بيكتب في كشكول اللي جنبه
المدرسة قالتلهم اللي هايكتب في كشكوله هاديه شكولاتاية
واحد كتب في كشكوله فرحت بيه واديته الشكولاته قام حطها في بؤ اللي جنبه

--------------------------
واحدة زعلانة قوي من جوزها علشان شباك الحمام مكسور ومش راضي يصلحه
فبتقوله: يرضيك حد يشوفني وانا باستحمى؟؟
قالها ياستي اللي هايشوفك هايصلح الشباك بنفسه

--------------------------
في واحد قاعد في القطار سأل اللي جنبوا أنت بتشتغل إيه
قاله فناااان
قاله فنان يعني بتغني؟ قاله لأ
قاله بترسم؟ قاله لأ
قاله فنان إيه؟ قاله فناااااان .. بحط االعيش في الفنن

--------------------------
مرة أربعة بلدياتنا راحوا فرح
الأول: نقط بخمسة جنيه و ضرب طلقة رصاص
الثانى:-نقط بعشرة جنيه و ضرب طلقتين
الثالث: نقط بخمستاشر جنيه و ضرب 3 طلقات
أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة

--------------------------
مره واحد بيحلف بالطلاق كتير
ابوه ضربه وقاله هاتحلف بالطلاق تاني ؟
!! قال له: عليا الطلاق منا حالف بالطلاق تاني

--------------------------
بيقولك مره واحد بخيل
ابنه: بابا انا عايز 50 قرش
أبوه: انت عايز 40 قرش هاتعمل ايه بال 30 ممعاييش غير ريال تاخد بريزه

--------------------------
مرة واحدة كل ماتشوف جوزها تقولوة ياعم روح هات
هات لنا مروحة هات لنا تلاجة هاتلنا غسالة هاتلناااا هاتلنااا هاتلناااااا
المهم قالها انتى ايه ياشيخة انتى مافيش مرة تقولى خد ؟
قالتلوة طيب خد التلفزيون صلحه

--------------------------
ابو العربى فى حرب اكتوبر راكب فلوكه فى القنال وبيحكى ويقول
لقيت فوقى واد طيار اسرائيلى اول ما شفنى حدف عليا صاروخ قمت زقيته
راح حادف واحد تانى وطيت راسى راح جاى فى الفلوكه
وقعت فى المية واتشعلقت فى خشبة وقعت اجدف بيدى
حدف عليا صاروخ تانى قمت غاطس فى القنال
برده لقيته نازل بالطيارة عليا وقرب منى خالص وحدفلى سيجارة مارلبورو وقال لي جدع يلاااا

--------------------------
مره اتنين داخلين محل جزم هو ومراته
فقال لصاحب المحل هتلها جزمه زحافي قالتله لا بكعب
قالها لا زحافي قالتله لا بكعب
فصاحب المحل زهق منهم قال للراجل ياعم هاتلها بكعب هو انت اللي بتلبس
قالوا ياعم انت مالك هو انت اللي بتضّرب

--------------------------
مرة واحد اشترى غسالة فول أوتوماتيك
مراته عزمت الجيران علشان يشوفوها حطت في الغسالة 20 كيلو غسيل
والغسالة يا عيني بتاخد بس 7 كيلو بس
وشغلتها والجيران باركولها وعزمتهم على كباية شاي
وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة
شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره

بجد موضوع روعة
ميرسي لي يا admin على موضوعاتك الروعة دي
بجد موضوع تحفة
والنكت مش قديمة ولا حاجة انا اول مرة اقراها
ميرسي ليك كمان مرة وبتمنالك التوفيق
ومنتظرين موضوعاتك الجامدة دايما
وتقبل مروري